উজানত

কোন কেতিয়াৰে পৰা মাতি আছোঁ
শৈশৱলে'
নিজান দুপৰীয়া চমকা চমকে খহোৱা
কুলি চৰাইৰ মাতেৰে
ও, শৈশৱলে'

ঢল নামিছে ঢল নামিছে
বৰজামুৰ তলত উজান উঠিছে
ইলুটি-সিলুটি চেঙালুটিত
বুকুৰঙা কাৱৈ
দুচাট-চাৰিচাটে হাৰ মনা
দেউতাৰ বৰশীলৈ আসৈ

কিমান পৰ হ'ল
এনেকৈ বহি থকা?
গান নাই, গানৰ ধান নাই
ধানৰ বতাহ নাই, বতাহৰ উশাহ নাই
একো নাই?

কিমান পৰ হ'ল থকা
উজানত জাল পাতি
নিজানত বহি?

আপোনাৰ আৰু ভাল লাগিব পাৰে:

পল্লৱপ্ৰাণ গোস্বামী

‘নীলা চৰাই’ৰ প্ৰতিষ্ঠাপক আৰু সম্পাদক। সাংস্কৃতিক কৰ্মী।

Leave a Reply

Be the First to Comment!

avatar