অভিজিত্‍ কুমাৰ হাজৰিকাৰ কবিতা

উন্মাদনা

শ্বহীদ স্তম্ভবোৰ
এতিয়া গোহালি
মাৰ্বলৰ আধাৰশিলাবোৰ
একোএকোখন
সুৰাৰ বিপনী।

মানৱতা থাকে হেনো
ৰাজনীতিত
সততা মৰসাহ আজি
মানুহবোৰ সলনি হ'ল

মাথোঁ সময় একেদৰেই ৰ'ল
কালিটো আজি আৰু আজিটো কাইলৈ

নিলিখিবা, নিলিখিবা কবিতা
একো লাভ নাই
সপোনো আজি ভেজাল হ'ল।

«

এতিয়া মোৰ দুখ

এটা অনুভূতি
যি বাস্তৱত অসম্ভৱ
এতিয়া মোৰ দুখৰ কাৰণ

এটা অনুভূতি
এতিয়া মোৰ সপোন
লিৰিকি বিদাৰি মোৰ সমস্ত দেহা
বিধ্বস্ত কৰে মাথোঁ
মই মই হৈ
ফুলিব খোজা
মোৰ হৃদয়ৰ সমস্ত মাদকতাক।

জীৱনৰ কোনোবা এটা প্রহৰত
বহি আছোঁ এটা অনুভূতি সাবটি
অসম্ভৱবোৰক বাস্তৱ কৰি দিয়াৰ বাবে
মন্দিৰত এগছ চাকি জ্বলাই
ঈশ্বৰক প্রাৰ্থনা কৰি

যি প্রাৰ্থনা
এতিয়া মোৰ দুখ…।

নীলা চৰাই . জুলাই ২০১২

আপোনাৰ আৰু ভাল লাগিব পাৰে:
সম্পাদক

সম্পাদক

editor@nilacharai.com

আপোনাৰ মন্তব্যই লেখকক প্ৰেৰণা যোগাব

avatar
  চাবস্ক্ৰাইব কৰক  
Notify of