ভ্ৰমণ

তুমি যদি দূৰ ভ্ৰমণলৈ যোৱা
মোৰ কাৰণেও এটা টিকেট কাটিবা

তোমাৰ সৰু সৰু যাত্ৰাত
তুমিতো সদায় মোক লৈ যোৱা
ময়ো যাওঁ বিনা ভাড়াতে
কেতিয়াবা তোমাৰ মানিবেগতে সোমাই

(সকলোৰে গোপন ইচ্ছা থাকে জীয়াই থকাৰ
আৰু ‘মৰি যোৱাই ভাল’ বুলি ভোৰভোৰায়)

সকলোৱে জীৱন সলনি কৰিব খোজে
আৰু লগ পায় কোনোবা এজনক
তেওঁক সেই সুযোগ দিয়া উচিত

যদি তোমাৰ বহুদিনৰ পৰা খেলি-মেলি মন
সেইবাবে যদি তুমি ফুৰিবলৈ
কোনো পাহাৰীয়া ষ্টেচনলৈ যোৱাৰ কথা ভাবিছা
নতুবা কোনো বৰফাঞ্চল বা সমুদ্ৰ নগৰীলৈ,
তেন্তে মোৰ কাৰণেও এটা টিকেট কাটিবা
কাৰণ, সেই যাত্ৰাত পৃথিৱীৰ সন্মতি আছে।

আপোনাৰ আৰু ভাল লাগিব পাৰে:

নীলিম কুমাৰ

কবি, ঔপন্যাসিক। গুৱাহাটী।

Leave a Reply

1 Comment on "ভ্ৰমণ"

avatar
Sort by:   newest | oldest | most voted
চক্ৰধৰ ৰায়
Member

মোৰ প্ৰিয় অকবিৰ কবিতা । ভাল লাগিল পঢ়ি।