মুক্তি পালে: দীপলিনা ডেকাৰ কণ্ঠত ‘চুই দিয়ানা’

কণ্ঠশিল্পী দীপলিনা ডেকাৰ শেহতীয়া গীত এটিয়ে মুক্তিলাভ কৰিছে ইউটিউব যোগে। গীতটিৰ শীৰ্ষ— ‘চুই দিয়ানা’। ‘উৰি উৰি যায় হেঙুলীয়া পখী’, ‘ৰাতি বিহু’, ‘কণমানি সপোন’ আৰু ‘ৰক্তবীজ’ চিনেমাৰ ‘ধীৰে ধীৰে’ গীতৰ পিছত এইটো দীপলিনাৰ পঞ্চম গীত। শ্ৰোতা হিচাপে আমি গীতটো ভাল পাইছোঁ, এক কথাত ক’বলৈ গ’লে, দীপলিনা ডেকাৰ কন্ঠত যাদু আছে।

অভিজ্ঞ সংগীত পৰিচালক পলাশ সূৰ্য গগৈয়ে ৰচনা তথা সংগীত কৰা গীতটিয়ে মুক্তিৰ লগে লগে বহুল জনপ্ৰিয়তা লাভ কৰা পৰিলক্ষিত হৈছে। গীতটিত ভায়োলিন সংগত কৰিছে মনোজ বৰুৱাই আৰু গীটাৰ বজাইছে ৰূপম শৰ্মাই।

গীতটিৰ ভিডিঅ’ খুবেই সুন্দৰ। গীতটিৰ লগত সম্পৰ্কিত এটি হৃদয় চুই যোৱা কাহিনী দেখুওৱা হৈছে। ইয়াত দীপলিনা ডেকাৰ সৈতে অভিনয় কৰিছে মিণ্টু বৰুৱা আৰু দীপংকৰ মহন্তই। ভিডিঅ’ৰ নিৰ্দেশনা আৰু সম্পাদনা টিৰাপ সীমান্ত মেধিৰ।

পলাশ সূৰ্য গগৈৰ ৰচনা আৰু কণ্ঠশিল্পী দীপলিনাৰ কণ্ঠত অসমৰ শ্রোতাই আগলৈ আৰু বহুতো ভাল গীত শুনিবলৈ পাব বুলি আমি আশাবাদী ।