মানুহবোৰ উটি ফুৰিছে
প্ৰকাশ: ১০ জুন, ২০১৮ | অন্তিম সম্পাদনা: ১০ জুন, ২০১৮
ওৰে ৰাতি পাহাৰ এটাই কান্দিছে
চৰাই এজাকে নিমাতে চাইছে
মানুহবোৰ উটি ফুৰিছে
তেজত তেজ বমি কৰা দেখি
মানুহবোৰ উটি ফুৰিছে
পাহাৰতলীত গীত গোৱা চৰাই এহাল
বাটৰ দাঁতিত পৰি ৰোৱা কথাটো
দেখাৰে পৰা
চাব পৰাৰ জোখাৰে চাইছে
হিংসাৰ মেলাত
কোনোৱে প্ৰতিহিংসাৰ চানাচুৰ খাইছে
কোনোৱে কৈছে—
কামুৰিলেই কামোৰেনে কুকুৰ?
স্থিৰতা নাই চকুৰ
মানুহবোৰ উটি ফুৰিছে
মানুহবোৰ উটি ফুৰিছে
চিঞৰ এটাৰ আচিলাৰে
কোনোৱে আওঁৰাইছে—
আমি গান ভাল পাওঁ
গগনা বজাওঁ
কলপতীয়া বতাহেৰে বুকু জুৰাওঁ
তোৰে মোৰে একেখিনি তেজ
একেই বেশ এখনেই চিকুনী দেশ,
নামাৰিবি ঔ
নামাৰিবি ঔ
মৰিলে আয়ে কান্দিব
বোপাই বলীয়া হ’ব
গানবোৰ নিতাল মাৰি শুব!
মানুহবোৰ উটি ফুৰিছে
শোকত শোকেৰে খুন্দিয়াই
মানুহবোৰ উচটাই উচটাই কোনে উটাইছে
গানগোৱা চৰাইহাল
জাহ নিওৱাৰ বাটত
ৰঙীণ জাতিৰ ছাতি এটা হামখুৰি খাইছে
মানুহবোৰ কেনি উটিছে
কলৈ উটিছে?
| আৰু পঢ়ক: হীৰেন ভট্টাচাৰ্যৰ কবিতা ‘চিকাৰী’
Image: Wikimedia, CC0
আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।
UPI-ৰ জৰিয়তে বৰঙণি আগবঢ়াবলৈ
Secure payment | PhonePe, Google Pay, Amazom Pay, Paytm
আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।
.
আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।
UPI-ৰ জৰিয়তে বৰঙণি আগবঢ়াবলৈ স্কেন কৰক:
Secure payment | Powered by UPI
আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।
Leave a Reply