ৰম্য পদ্য

[ ঈশান জ্যোতি বৰা ]


বজাৰলৈ ওলাই গ’লো ভাইটোৰ বাইকত
লোকেল মাছৰ দাম শুনি চকু উঠিল কপালত
বেপাৰীৰ ওপৰত উঠিল খং
নাচাওঁ মই তহঁতৰ ৰং
গেলামালৰ দোকান পালোগৈ চয়াবিনৰ সন্ধানত।

 


বিদ্যুৎ মন্ত্রীয়ে নদীবান্ধ নিৰ্মাণ কৰিবই অসমত
ৰাইজক পেলাব আকৌ এবাৰ বিপদত
অখিল গগৈক কৰে আওকাণ
এনএইচপিচিৰ গাই গুণ-গান
বাধা দিওঁতা হেনো কোনো নাই স্বৰ্গ-মৰ্ত্য-পাতালত।

 


‘শিক্ষা’ক লৈ প্রস্তুত হৈছে ন ন আঁচনি
নিউজ চেনেল, বাতৰি কাকতত প্রচাৰ হয় জাননী
শিক্ষকৰ হ’ব যোগ্যতা নিৰূপণ
চালাক আমাৰ যুৱ নেতাজন
আদান-প্রদান নহ’ব কেতিয়াও লাখ লাখ মাননী।


লেখকৰ ই-মেইল: ishanjyotibora@gmail.com

নীলা চৰাই . মাৰ্চ ২০১২

সম্পাদক

editor@nilacharai.com

Leave a Reply

1 Comment on "ৰম্য পদ্য"

avatar
newest oldest most voted
Dhiraj kumar nath
Guest

বঢ়িয়া লিখিছা ঈশান। আগলৈও পঢ়িবলৈ পাম বুলি আশা  ৰাখিলো।