এৰি অহা সোণালী বাটৰ
কত ছয়াময়া ছবি
বুকুত সাবটি আজিও ৰৈ আছোঁ গাঁৱৰ মাটিত
সেই গাঁও
আপোনৰো আপোন
ৰচিব পাৰোঁ য’ত সোণালী সপোন
সেই গাঁও এৰিব নোৱাৰোঁ
ফুলি থকা সূৰ্যমুখী ফুলবোৰে
প্ৰতিটো পুৱাই সজীৱ হৈ
বুকুলৈ কঢ়িয়াই আনে
মানুহ আৰু মানৱতাৰ অজস্ৰ সংবাদ
গাঁও এৰি গুচি যাওঁ কেনেকৈ
যি গাঁৱত আছে শৈশৱৰ কতনা লহৰ
যৌৱনৰ কতনা প্ৰহৰ
গাঁৱৰ বুকুত প্ৰতিটো গধূলি বাজে
প্ৰেম আৰু প্ৰাৰ্থনাৰ গান
প্ৰতিটো বসন্তত গাঁৱত ওলমি ৰয়
কুমলীয়া শিশুৰ মুখত আইৰ মুখৰ মাত।
সেই গাঁও কুশলে থাকক
যাৰ স্মৃতিকথাই আমাৰ চকুলো সৰায়।
📚 | আৰু পঢ়ক:
- ব’হাগ
- বিপুল জ্যোতি শইকীয়াৰ কবিতা: মহাযুদ্ধৰ মহাকাব্য
- উচ্চতাৰ পদ্য
- বিষ্ণু ৰাভা, আজি জালিকটা ৰ’দ তোমাৰ ছবিত
- বিষণ্ণতাৰ এজাক বৰষুণত ৰাতিটো তিতিছে
