সোণাৰুৰ হাঁহি

গছজোপাই হালধীয়া জুইৰ চাদৰ পিন্ধিছে

ওলমি থকা থোপাথুপি সোণাৰুৰ ফুলবোৰ
যেন ডালত শুকুৱাই থোৱা আকাশৰ সপোন

চৰাই এটাই ঠোঁটত পোহৰ লৈ
ডাল সলনি কৰা মই দেখিছোঁ
আৰু এজাক মৌমাখিয়ে ফুলৰ পাহিত বহি
মিঠা ৰ’দ এজাক জমা কৰিছে

গছৰ তলৰ পথটোও সোণালী সপোনৰ দৰে
মানুহৰ খোজত ফুলৰ শব্দ সৰে
দুপৰীয়াৰ নিস্তব্ধতাত সোণাৰুৰ হালধীয়াই
নিজৰ ক্লান্তি পাহৰিবলৈ গোপনে নৃত্য কৰে

সন্ধিয়া নামিলেই এটা এটাকৈ হালধীয়া সপোন সৰে
আৰু পৃথিৱীয়ে কোলাত লৈ নীৰৱে শুই পৰে

আৰু পঢ়ক

সাৰে আছেনে আপুনি

অনিৰ্বাণ দত্ত

মোক আচলতে কি লাগে

আৰমান হাজৰিকা

স্বীকাৰোক্তি

হিৰেন কুমাৰ দেৱ শৰ্মা

দূবৰি

পল্লৱ কুমাৰ নাথ

জীৱন-স্বপ্ন

পদ্মা গগৈ

এই লেখকৰ অধিক লেখা পঢ়ক

সত্যজিৎ গগৈ

সকলো লেখা চাওক →

Follow Nilacharai on Facebook

HeadSir

অসমীয়া বানান শুধৰণি সঁজুলি

এতিয়াই ব্যৱহাৰ কৰক