বিপন্ন সময়

হে মোৰ বিপন্ন সময়
ফুলে-পাতে ৰঙীন উছৱৰ পাৰ ভাঙি
মেঘৰ চকু বয়

ৰক্তৰঞ্জিত বাট— শক্তিৰ খেলা
বাহুবলে ভাঙি নিয়ে নিৰীহৰ কামিহাড়

শক্তিৰ ওচৰত মোৰ দোৱাই
সত্যও মূক হৈ থাকোঁতে থাকোঁতে
ই নিয়ম হ’ল

সুবিধাবাদী মানুহবোৰে চকুমুদি
একো দেখা নাপালে বুলি ক’লে

এৰা
গণতন্ত্ৰত ৰাইজ কোনোদিনা ৰজা হোৱা নাছিল
মানুহক মিছাকৈ পতিয়ন নিওৱা হৈছিল

নিৰীহ ক্ষমতাহীন মানুহবোৰে জীৱনটো
কেৱল শাৰীহে পাতিলে
বাছৰ বাবে ৰেলৰ বাবে ন্যায়ৰ বাবে
গণতন্ত্ৰৰ বাবে

তেওঁলোকে এতিয়াও শাৰী পাতি আছে
নিজৰ প্ৰাপ্যৰ বাবে
তেওঁলোকৰ বাবে ভিআইপি শ্ব’ৰ্টকাট নাই

তাৰ পাছতো আমি শ্লোগান দিওঁ এতিয়াও গণতন্ত্ৰৰ
পুঁজিবাদে চেপি নিয়া আমাৰ মাত
কোনে কেতিয়া ক’ত কাঢ়ে

হে মোৰ বিপন্ন সময়
প্ৰতিবাদৰ বাবেও পাৰমিশ্বন লাগে
মোৰ গণতন্ত্ৰক

আৰু পঢ়ক

তেওঁক লগ পোৱাৰ দিনা

সৌৰভজ্যোতি কলিতা

দেশ কাগজত অঁকা নক্সা নহয়

পল্লৱপ্ৰাণ গোস্বামী

মই

ঋতুপৰ্ণ শৰ্মা

ঘৰবোৰৰ ওপৰেদি পানী

উদয় শইকীয়া

সময়ান্তৰ

প্ৰদীপ দাস

HeadSir

অসমীয়া বানান শুধৰণি সঁজুলি

এতিয়াই ব্যৱহাৰ কৰক