নীলা চৰাই | অসমীয়া সাহিত্য, বাৰ্তা, আলোচনা

অসমীয়া সাহিত্য, বাৰ্তা আৰু আলোচনা

কথা: বৰষুণৰ দৰে

কথা: বৰষুণৰ দৰে

তুমি নদীৰ পৰা আহিছা? 
বৰষুণৰ দৰে গোন্ধাইছে তোমাৰ গা 
গুটিমালিৰ দৰে ফুলিছে 
তোমাৰ থুপি থুপি কথা 

কথাই নে সেয়া? 
নে বৰষুণৰ কোমল চিনাকি আশা। 

কথাৰ কেঁচা বাটত
মুঠি মুঠি মেঘ সানিছা
ভীষণ নিবিড় হৈ তুমি নামি আহিছা
ওঁঠত বৈ আনিছা ভিজা মাটিৰ সুহুৰি
গান এটা হৈ সি বাগৰি ফুৰিছে
পথাৰে পথাৰে
গছে গছে
বুকুৱে বুকুৱে…

আমৰ ডালে ডালে আকৌ ফুলিছে
তোমাৰ বৰষুণ যেন কথা
সঁচাই কোৱাচোন,
ক’ৰ পৰা আহিছা?
আজি যে আকৌ বৰষুণৰ দৰে গোন্ধাইছা…

HeadSir Assamese Spellcheck

HeadSir

অসমীয়া বানান শুধৰণি সঁজুলি

এতিয়াই ব্যৱহাৰ কৰক

আপুনি হয়তো ভাল পাব: