গালিবৰ প্ৰতি

২৭ ডিচেম্বৰৰ মিৰ্জা গালিবৰ ২২৬ সংখ্যক জন্ম বাৰ্ষিকীৰ সোঁৱৰণ

বাকি দিয়া মোৰ
দুখৰ পিয়লাত
সুৰাময় তোমাৰ
কবিতাৰ জোনাক

হিয়াৰ শলিতা জ্বলে
উমি উমি
ওৰে বিৰহ-ৰাতি
প্ৰত্যুষৰ আকুলতাত
ক্ৰমশঃ হেৰায় কায়া

ৰাতিৰ মৌন বিহংগ—
কলিজা খুলি খুলি
হেৰুৱাই পাওঁহি
পাই হেৰুৱাওঁ

যাৱজ্জীৱন কাৰাবন্দী
হুমুনিয়াহ হা-হুতাশবোৰ—
নিষ্পাপ এটি সপোন
দিঠক হোৱাৰ
যন্ত্ৰণাময় কাতৰ আবেদন

তথাপিও
বুকুৰ মাজত আস্ফালন
চিৰ বিদ্ৰোহী মনটোৰ,
চকুৰ লোতকে তিয়াই যায়
শুষ্ক মৰুভূৰ
মৰীচিকা মায়াময়

❧ | আৰু পঢ়ক:

• আমি সকলো অকলশৰীয়া
• সম্পৰ্ক
• দুৱাৰৰ মাজেৰে কথা পতা
• ৰৈ আছোঁ

HeadSir

অসমীয়া বানান শুধৰণি সঁজুলি

এতিয়াই ব্যৱহাৰ কৰক