গুৱাহাটী বিদ্যুৎ পৰিষদ বিহু সন্মিলনীৰ প্ৰাইজমানি সাহিত্য প্ৰতিযোগিতা

বৃ হত্তৰ গুৱাহাটী বিদ্যুৎ পৰিষদ ৰঙালী বিহু সন্মিলনীৰ স্মৃতিগ্ৰন্থ আৰু সাহিত্য প্ৰতিযোগিতা উপ-সমিতিয়ে জনাইছে যে ৪৯ সংখ্যক ৰঙালী বিহু সন্মিলন (২০২৫)ৰ লগত সংগতি ৰাখি সন্মিলনীয়ে শান্তিৰাম বৰ্মন স্মাৰক এলানি সাহিত্য প্ৰতিযোগিতাৰ আয়োজন কৰিছে। কেৱল অসমীয়া ভাষাত অনুষ্ঠিত হ’বলগীয়া প্ৰতিযোগিতাত সকলো বয়সৰ প্ৰতিযোগীয়ে ভাগ ল’ব পাৰিব। প্ৰতিযোগিতাসমূহ হৈছে—

ক. প্ৰৱন্ধ প্ৰতিযোগিতা (অসমৰ লোক-সংস্কৃতি বিষয়ক)
প্ৰৱন্ধ প্ৰতিযোগিতাৰ পুৰস্কাৰসমূহ:
প্ৰথম স্থান: ৫,০০১ টকা
দ্বিতীয় স্থান: ৩,০০১ টকা
তৃতীয় স্থান: ১,০০১ টকা

খ. গল্প প্ৰতিযোগিতা (গল্পত বসন্তকালীন ছবি পৰিস্ফুট হোৱাটো বাঞ্ছনীয়)
গল্প প্ৰতিযোগিতাৰ পুৰস্কাৰসমূহ:
প্ৰথম স্থান: ৫,০০১ টকা
দ্বিতীয় স্থান: ৩,০০১ টকা
তৃতীয় স্থান: ১,০০১ টকা

গ. পাৰিপাৰ্শ্বিক কবিতা (Ecopoetry) প্ৰতিযোগিতা
কবিতা প্ৰতিযোগিতাৰ পুৰস্কাৰসমূহ:
প্ৰথম স্থান: ২,৫০১ টকা
দ্বিতীয় স্থান: ২,০০১ টকা
তৃতীয় স্থান: ১,০০১ টকা

প্ৰৱন্ধ আৰু গল্পসমূহ ১,৫০০ ৰ পৰা ২,০০০ শব্দৰ ভিতৰত হোৱা বাঞ্ছনীয়। লেখাৰ শেষত প্ৰতিযোগীৰ নাম, সম্পূৰ্ণ ডাক ঠিকনা আৰু ফোন নম্বৰ উল্লেখ কৰিব লাগিব। লেখাসমূহ ডিটিপি কৰি অথবা স্পষ্ট হাতৰ আখৰেৰে লিখি মেইল যোগে [email protected] ঠিকনালৈ অথবা হোৱাটচএপ যোগে ৭০০২৯৪৬০১১ অথবা ৮৭২৩০৪৯২৯৯ নম্বৰলৈ প্ৰেৰণ কৰিব পাৰিব। লেখা ২০ এপ্ৰিল ২০২৫-ৰ নিশা ১১.৫৯ বজালৈ গ্ৰহণ কৰা হ’ব, ইয়াৰ পাছত প্ৰেৰণ কৰা লেখা প্ৰতিযোগিতাৰ বাবে বিবেচনা কৰা নহ’ব।

নিৰ্বাচিত লেখা সন্মিলনীৰ স্মৃতিগ্ৰন্থ ‘পেঁপা’ত প্ৰকাশ কৰা হ’ব তথা লেখকলৈ মানপত্ৰ আগবঢ়োৱা হ’ব। যিকোনো বাদ-বিবাদৰ ক্ষেত্ৰত বিচাৰকৰ সিদ্ধান্তক চূড়ান্ত বুলি গণ্য কৰা হ’ব। অধিক জানিবৰ বাবে উৎল্লিখিত ফোন নম্বৰত যোগাযোগ কৰিব পাৰে।

❧ | আৰু পঢ়ক:

• সাহিত্যৰ বৈজ্ঞানিক বিচাৰ-বিশ্লেষণ
• মিচিংসকলৰ কৃষিভিত্তিক লোকউৎসৱ: এটি চমু আলোচনা
• জনশিক্ষাৰ কঠীয়াতলী: লোকসংস্কৃতি
• নিষিদ্ধ বিহু পুনৰুদ্ধাৰ: মৈমত টাটিঙা আৰু সংগীবৃন্দ
• বিহু বিষয়ক কিছু চিন্তা-দুঃচিন্তা