মূল: মাহমুড ডাৰৱিশ্ব (Mahmoud Darwish)
ইংৰাজী অনুবাদ: কেথেৰিন ক’ভাম
অসমীয়া অনুবাদ: প্রকল্প ৰঞ্জন ভাগৱতী
✽
সি ওপৰলৈ চালে
আৰু তালৈ চাই থকা
এটা তৰা দেখিলে
সি নামনিলৈ চালে
আৰু তালৈ চাই থকা
তাৰ কবৰটো দেখিলে
সি এজনী নাৰীলৈ চালে
যি তাক পীড়া আৰু আনন্দ দিয়ে
আৰু তাই তালৈ চোৱা নাই
সি আইনাখনলৈ চালে
আৰু তালৈ চাই থকা
তাৰ নিচিনা অচিনাকি এজন দেখিলে।
✽
মাহমুড ডাৰৱিশ্ব
মাহমুড ডাৰৱিশ্ব (১৯৪১-২০০৮) পেলেষ্টাইনৰ জাতীয় কবি। প্রতিবাদী সত্তাৰ অধিকাৰী কবিগৰাকীৰ ‘পৰিচয় পত্র’ এটা প্রখ্যাত প্রতিবাদী কবিতা। সাহিত্য কৰ্মৰ বাবে অলেখ বঁটা আৰু সন্মান লাভ কৰা মাহমুড ডাৰৱিশ্বৰ ৩০খন কাব্যগ্ৰন্থ আৰু ৮খন গদ্যগ্ৰন্থ প্ৰকাশ পাইছে। ‘দুজন অচিনাকি’ কবিতাটোৰ ইংৰাজী পাঠটো A River Dies of Thirst (আৰ্কিপেলেগো বুকছ, ২০০৯) সংকলনটোৰ পৰা লোৱা হৈছে।
❧ | অধিক কবিতা:
- শিতানৰ গাৰু
- অপৰাহ্ণ আৰু কেইটামান পংক্তি
- নষ্টালজিক
- এক অন্ধ নদীৰ নাম প্ৰেম
- প্ৰেমৰ আঢ়ৈটা আখৰ: কবীৰৰ সাতোটা দোহা
