আপুনি দিয়ক মোক এটা শিৰোনাম,
এটা কবিতা দিম মই আপোনাক,
আপুনি দিয়ক মোক শব্দ কিছুমান,
তাৰ এক ক্ৰম দিম মই আপোনাক৷
আপুনি দিয়ক মোক কিছু অলংকাৰ,
তাৰে সজাম মই কবিতা আপোনাৰ৷
আপুনি দিয়ক মোক অলপ শয়ন জিৰণিৰ,
মই দিম আপোনাক এটা নীলা চৰাই দূৰণিৰ৷
নীলা চৰাই পুহিবলৈ লাগে খুদকণ শোকৰ,
আৰু লাগে বুকুৰ একোণত নিৰলা এটি পঁজা,
খুদকণ আৰু পঁজা নাথাকিলেও মই দিব
পাৰিম আপোনাক নীলা চৰাইৰ এই কবিতা৷
❧ | আৰু পঢ়ক:
অসমীয়া বানান শুধৰণি সঁজুলি
এতিয়াই ব্যৱহাৰ কৰক
