কোন কেতিয়াৰে পৰা মাতি আছোঁ
শৈশৱলে’
নিজান দুপৰীয়া চমকা চমকে খহোৱা
কুলি চৰাইৰ মাতেৰে
ও, শৈশৱলে’
ঢল নামিছে ঢল নামিছে
বৰজামুৰ তলত উজান উঠিছে
ইলুটি-সিলুটি চেঙালুটিত
বুকুৰঙা কাৱৈ
দুচাট-চাৰিচাটে হাৰ মনা
দেউতাৰ বৰশীলৈ আসৈ
কিমান পৰ হ’ল
এনেকৈ বহি থকা?
গান নাই, গানৰ ধান নাই
ধানৰ বতাহ নাই, বতাহৰ উশাহ নাই
একো নাই?
কিমান পৰ হ’ল থকা
উজানত জাল পাতি
নিজানত বহি?
HeadSir
অসমীয়া বানান শুধৰণি সঁজুলি
এতিয়াই ব্যৱহাৰ কৰক




