গুচি গ’ল বুকুৰ কাষৰ উমাল জীৱন
নিৰ্বাক হ’ল।
ঘূৰি ঘূৰি শেষ হ’ল
জীৱনৰ সোণালী সূতাৰ উঘা…
হেৰাই নগ’ল
তৰা হ’ল!
তৰাই কথা কয়
ৰহস্যময় চিত্তাকৰ্ষক ভংগীমাৰে
তৰাই মোৰ সৈতে কথা কয়
নিৰ্বাক ভাষাৰে
কয় হেৰাই যোৱা অলেখ সংলাপ
শুনি মই
শিহৰিত,
মুগ্ধ,
বাকৰুদ্ধ!
যেন বুকুত খাজ খাই থকা
চিৰন্তন সেই হাঁহিৰ শব্দ
মৌসনা মাতৰ শব্দ
নিৰ্বাক হৈ পৰা তৰাৰ শব্দ।
HeadSir
অসমীয়া বানান শুধৰণি সঁজুলি
এতিয়াই ব্যৱহাৰ কৰক




