সুগন্ধি পখিলাৰ সুগন্ধ মলঙি যায়
হাটৰুৱা বাটৰুৱাৰ বুকুৰ কুটুম হেৰায়
ওৰেটি জীৱন কবিতাকে যাপন কৰি
আজি কথা মালিতাৰ ছন্দ হেৰায়
কবিতা পৰম সুহৃদ, শয়ন-সপোন
ভোকৰ ভাত, অমাতৰ মাত
সুখৰ-দুখৰ আশ্ৰয় গোপন
বুকু ভঙাৰ যন্ত্ৰণা
সুখৰ মধুৰ বাসনা
কবিতাই আনে মাতৃৰ আঁচলৰ উম মৌ-সনা
হীৰুদাই কৈছিল—
কবিতা আমাৰ আই
যাৰ কোলাত মূৰ থৈ জীৱন ঘুমটি যায়।
অসমীয়া বানান শুধৰণি সঁজুলি
এতিয়াই ব্যৱহাৰ কৰক
