ডঃ সৰ্ৱেপল্লী ৰাধাকৃষ্ণণৰ বাণী
প্ৰকাশ: ৪ ছেপ্তেম্বৰ, ২০১৮ | অন্তিম সম্পাদনা: ২৯ আগষ্ট, ২০২২
বিশিষ্ট দাৰ্শনিক পণ্ডিত, ভাৰতৰ প্ৰথম উপ ৰাষ্ট্ৰপতি আৰু দ্বিতীয়জন ৰাষ্ট্ৰপতি (১৯৬২-৬৭) ডঃ সৰ্ৱেপল্লী ৰাধাকৃষ্ণণৰ ৫ ছেপ্তেম্বৰৰ জন্মদিনৰ দিনটো শিক্ষক দিৱস হিচাপে দেশজুৰি পালন কৰা হয়। ডঃ ৰাধাকৃষ্ণণৰ জন্ম হৈছিল তদানীন্তন বৃটিছ ভাৰতৰ মাদ্ৰাছ প্ৰদেশৰ টিৰুট্টানি (Thiruttani)ত ১৮৮৮ চনৰ ৫ ছেপ্তেম্বৰ তাৰিখে আৰু মৃত্যু হৈছিল তামিলনাডুৰ মাদ্ৰাছত ১৯৭৫ চনৰ ১৭ এপ্ৰিল তাৰিখে।
ডঃ সৰ্ৱেপল্লী ৰাধাকৃষ্ণণে ৰচনা কৰা কেইখনমান গ্ৰন্থ হৈছে ‘দ্য ফিলছফি অৱ ৰবীন্দ্ৰনাথ টেগোৰ’, ‘ইণ্ডিয়ান ফিলছফি’, ‘দ্য হিন্দু ভিউ অৱ লাইফ’, ‘ৰিলিজিয়ন এণ্ড চছাইটি’, ‘দ্য ধম্মপদ’, ‘দ্য প্ৰিন্সিপাল উপনিষদচ’, ‘ৰিলিজিয়ন, চায়ন্স এণ্ড কালচাৰ’ আদি।
বিভিন্ন প্ৰসংগত তেখেতে কোৱা আৰু লিখা দহোটা বাণী তেখেতলৈ শ্ৰদ্ধা যাঁচি পাঠকসকললৈ আগবঢ়োৱা হ’ল।
মোৰ জন্মদিন হিচাপে উদযাপন কৰাৰ পৰিৱৰ্তে, ৫ ছেপ্তেম্বৰৰ দিনটো শিক্ষক দিৱস হিচাপে পালন কৰিলে মই বেছি সুখী হ’ম।
যিসকলে আমাক নিজাকৈ ভবাত সহায় কৰে, সেইসকলহে প্ৰকৃত শিক্ষক।
সহনশীলতা হৈছে সীমিত মনে অব্যৱহৃত অসীমৰ প্ৰতি আগবঢ়োৱা শ্ৰদ্ধা।
কিতাপ হৈছে এনে এক উপায়, যাৰ সহায়ত আমি বিভিন্ন সংস্কৃতিৰ মাজত সাঁকো নিৰ্মাণ কৰিব পাৰোঁ।
কেৱল জ্ঞান আৰু বিজ্ঞানৰ আধাৰতহে এক সুখী আৰু আনন্দময় জীৱন সম্ভৱ।
আমি যি মানৱ জীৱন পাইছোঁ, সেয়া হ’ল আদৰ্শ মানৱ জীবন গঢ়ি তোলাৰ উপকৰণ।
জীৱন এটি মহান উপহাৰ, যিসকলে জীৱনক ভাল নাপায়, সেইসকল এই উপহাৰ গ্ৰহণৰ বাবে উপযুক্ত নহয়৷
| আৰু পঢ়ক: শিক্ষা আৰু শিক্ষক প্ৰসংগত
যিজন পাপত মগ্ন, তেওঁৰো এটা ভৱিষ্যৎ আছে। মহানতম লোকৰো এটা অতীত আছে। কোনোৱেই ভাল-বেয়াৰ বাহিৰত নহয়।
শিক্ষাৰ অন্তিম উৎপাদন এজন মুক্ত সৃজনশীল ব্যক্তি হোৱা উচিত, যিয়ে ইতিহাসগত পৰিস্থিতি আৰু প্ৰকৃতিৰ ৰোষৰ বিৰুদ্ধে সংগ্ৰাম কৰিব পাৰে।
ভগৱানে আমাৰ প্রত্যেকৰ মাজেৰেই অনুভৱ কৰে, দুঃখ ভোগ কৰে। তেওঁৰ গৰিমা, জ্ঞান, সৌন্দৰ্য আৰু ভালপোৱা আমাৰ প্রত্যেকৰ মাজেৰেই প্রকাশিত হয়।
ডঃ সৰ্ৱেপল্লী ৰাধাকৃষ্ণণৰ বাণী
Follow Nilacharai on Spotify
আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।
UPI-ৰ জৰিয়তে বৰঙণি আগবঢ়াবলৈ
Secure payment | PhonePe, Google Pay, Amazom Pay, Paytm
আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।
.
আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।
UPI-ৰ জৰিয়তে বৰঙণি আগবঢ়াবলৈ স্কেন কৰক:
Secure payment | Powered by UPI
আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।
Leave a Reply