বিজেপিয়ে হিন্দু ধর্মৰ ক্ষতি কৰি আছে

বিজেপিৰ সদস্য-সমর্থকসকলৰ মতে, বিজেপি দলটো অহা ২০ বছৰ ক্ষমতাত থাকিব আৰু সমগ্ৰ ভাৰতবর্ষ হিন্দু ধর্মৰ মানুহেৰে ভৰি পৰিব। মুছলমান আৰু অন্য ধর্মাৱলম্বী লােকসকলেও বাধ্যত পৰি হিন্দু ধর্ম গ্রহণ কৰিব। ই সঁচাকৈয়ে সম্ভৱনে? এইটো সঁচা কথা যে ভাৰতবৰ্ষৰ বৃহৎ পুঁজিপতি, কৰ্প’ৰেট গােষ্ঠীক যেতিয়ালৈকে বিচৰা মতে সুযােগ-সুবিধা দি থাকিব পাৰিব আৰু তেওঁলােকে ভাৰতৰ সর্বসাধাৰণক মুক্তভাৱে শােষণ কৰাৰ পৰিস্থিতি দলটোৱে বৰ্তাই ৰাখিব পাৰিব, তেতিয়ালৈকে বিজেপি ভাৰতবৰ্ষৰ ক্ষমতাত থাকিব। বিমুদ্ৰাকৰণাে যে কৰা হৈছিল পুঁজিপতি, কর্প’ৰেট আৰু বিজেপিৰ ৰাজনৈতিক ভৱিষ্যৎ সুৰক্ষিত কৰাৰ স্বাৰ্থত, সেয়া বুজাই বুজিব। কিন্তু বিজেপিৰ সদস্য-সমর্থকে ভবাৰ দৰে ভাৰতবর্ষ হিন্দু ধর্মৰ মানুহেৰে সঁচাকৈয়ে ভৰি পৰিবনে? বৰং ২০ বছৰ বিজেপি ক্ষমতাত থাকিলে ভাৰতবৰ্ষত হিন্দু ধর্ম বিশ্বাস কৰা লােকৰ সংখ্যা কমিব। আজিৰ পৰা প্রায় ৩০ বছৰৰ আগেয়ে ১৯৮৯ চনত ইৰাণত বিপ্লৱৰ সহায়ত জনগণে ৰাজতন্ত্রক আঁতৰাই গণতন্ত্র প্রতিষ্ঠা কৰিছিল। বিপ্লৱৰ যুটীয়া নেতৃত্বত আছিল ধর্মীয় সংগঠনৰপৰা বাঁও-গণতান্ত্রিক সংগঠনলৈ সকলাে। কাৰণ জনসাধাৰণে ইৰাণৰ পৰা ৰাজতন্ত্র উৎখাত হােৱাটো বিচাৰিছিল। ইৰাণৰ জনসাধাৰণে বিপ্লৱীসকলৰ নেতৃত্বৰ ভিতৰত ধর্মীয় নেতাসকলক অধিক বিশ্বাসত লৈছিল, কাৰণ তেওঁলােকে ধৰ্মৰ কথা কৈছিল; কৈছিল ইছলামিক নৈতিকতাৰ ভিত্তিত দেশ চলােৱাৰ কথা। কিন্তু যেতিয়া ইৰাণত জনসাধাৰণৰ সমর্থন লৈ ধর্মীয় নেতাসকল ৰজাক আঁতৰাই ক্ষমতাত বহিল, তেতিয়াহে জনসাধাৰণে ধর্মীয় নেতাসকলৰ প্রকৃত ৰূপবােৰ দেখিবলৈ পালে। অধিকাংশ ধর্মীয় নেতাই মিছা প্রতিশ্রুতি দি দুর্নীতিৰে কোটিপতিত পৰিণত হ’ল, নেতাসকলে মুখেৰে আমেৰিকাৰ বিৰুদ্ধে শ্ল’গান দিয়ে, কিন্তু নিজৰ ল’ৰা-ছােৱালীক পঢ়িবলৈ পঠিয়াই আমেৰিকালৈ। ইৰাণৰ যুৱক-যুৱতীসকলৰ মাজত ক্ষমতাত বহা ধর্মীয় নেতাসকলৰ এই ৰূপ দেখি ইছলাম ধৰ্মৰ ওপৰতেই আস্থা হেৰুওৱা লােকৰ সংখ্যা বাঢ়ি আহিছে, মছজিদলৈ যােৱা লােকৰ সংখ্যা কমি আহিছে বা পুনৰ পাৰ্ছীসকলৰ পুৰণা জৰেষ্ট্রিয়ান ধৰ্মলৈ উভতি যােৱা বা বৌদ্ধ ধর্ম-মতৰ প্রতি আকর্ষিত হােৱা লােকৰ সংখ্যা বাঢ়িছে। সেয়া মই ইৰাণত থাকোঁতে স্বচক্ষে দেখিছোঁ।

| আৰু পঢ়ক: নাগৰিকত্ব সংশোধনী বিধেয়ক: অসমীয়াই কিয় বিৰোধিতা কৰা উচিত

আজি ভাৰতবৰ্ষত কি হৈছে? হিন্দু ধৰ্মৰ নাম লৈ ক্ষমতাত বহা নেতাসকলে জনসাধাৰণৰ জীৱন-জীৱিকা সম্পর্কীয় সমস্যাৰ সমাধানত মনােনিৱেশ কৰাৰ পৰিৱর্তে মিছা প্রতিশ্রুতি, অসত্য কথা, দুর্নীতিৰ আশ্ৰয় লৈ ক্ষমতাত বহি পুঁজিপতি-কৰ্প’ৰেটৰ দ্বাৰা জনসাধাৰণক শােষণৰ কেঁকোৰা চেপা দিবলৈ উঠি-পৰি লাগিছে। আজি বিজেপিক অন্ধভাৱে সমর্থন কৰা লােকসকলৰাে একাংশই দলটোৰ প্রকৃত ৰূপ বুজি পাইছে। ২০ বছৰ বিজেপি ক্ষমতাত থাকিলে হিন্দু ধৰ্মৰ নামত শপত খােৱাসকলৰ কাম-কাজবােৰ দেখি দেখি জনসাধাৰণৰ এচামে হিন্দু ধর্মৰ ওপৰতেই বিশ্বাস হেৰুৱাই পেলাব। ভাৰতবৰ্ষৰ দ্বাৰকাপীঠৰ শংকৰাচার্য স্বৰূপানন্দ সৰস্বতীয়ে এনেই কোৱা নাই যে বিজেপি-আৰ এছ এছে বর্তমান সময়ত হিন্দু ধর্মৰ বাবে আটাইতকৈ বেছি ক্ষতিকাৰক কাম কৰি আছে। ভাৰতবৰ্ষৰ পৰা বিদেশলৈ গাে-মাংস ৰপ্তানি কৰা লােকৰ শীর্ষত আছে বিজেপিৰ বহুতাে নেতা, অথচ তেওঁলােকেই গাে-হত্যাৰ বিৰুদ্ধে সৰৱ হৈ দেখুৱায় মানুহক।

লেখকৰ ঠিকনা: ৮০, অৰেণ্ডা কর্ট, ব্রেম্পণ্টন, কানাডা