নীলা চৰাই | অসমীয়া সাহিত্য, বাৰ্তা, আলোচনা

অসমীয়া সাহিত্য, বাৰ্তা আৰু আলোচনা

আজি জোনাক নামিব পাৰে

আজি জোনাক নামিব পাৰে

আজি জোনাক নামিব পাৰে তোমাৰ বুকুত
জোনাক,
কৃষ্ণচূড়া নুফুলিলেও
তোমাৰ বুকুৰ খটখটিৰে লাহে লাহে নামি আহিব পাৰে
জোনাক মোৰ বুকুলৈ।

বিধবা হৈ পৰা নিশাবোৰ নিয়ৰত জিলিকাই
জোনাক নামিব পাৰে
বতাহে কঁপাব পানী।

মাউৰা পোনাকণৰ নতুন চোলাৰ গোন্ধ এটা লৈ
এখন নতুন পাটিগণিত হৈ
চেলেপু নিমপাতবোৰ কঁপাই
জোনাক নামিব পাৰে।

আইৰ চকুৰ ভোটা তৰাটো
পিতাইৰ জোন
আইমণিৰ চকুৰ কাজল
ওৰে ৰাতি উজাগৰে থাকিব
আজি জোনাক নামিব।

কি আনিব
কি আনিব জোনাকে!
প্রতিমাৰ লচপচীয়া সপোন
সৰুধন নীৰু সপোনৰ অজন্তা ইলোৰা
গোলাপীৰ বুকুৰ এঠোক ধান
জেতুকী বাইৰ উকা টেকেলীত
বগা চাউলৰ খলখলনি লৈ
আজি জোনাক নামিব পাৰে।

মোৰ চহৰৰ পৰা তুমি হেৰাই গ’লেও
দুচকু জপালেই লগ পোৱা তোমাক লৈ
আজি জোনাক নামিব পাৰে
তোমাৰ বুকুত
মোৰ বুকুত
সকলোৰে বুকুত জোনাক নামিব পাৰে।

HeadSir Assamese Spellcheck

HeadSir

অসমীয়া বানান শুধৰণি সঁজুলি

এতিয়াই ব্যৱহাৰ কৰক

আপুনি হয়তো ভাল পাব:

স্মৃতিকথা

স্মৃতিকথা

শব্দৰ ৰ’দ

শব্দৰ ৰ’দ