তুমিহীনতাৰ যন্ত্ৰণাত

তুমিহীনতাৰ যন্ত্ৰণাত
মোৰ দিনবোৰ ৰাতি,
আাৰু ৰাতিবোৰ শেষ নোহোৱা হৈছে

তুমি মোক আকাশ চাবলৈ শিকাইছিলা
তুমি মোক কবিতা লিখিবলৈ শিকাইছিলা
তুমি সুৰ হৈ মোৰ বুকুৰ মাজত সোমাইছিলা
সেয়েহে তুমিহীনতাৰ যন্ত্ৰণাত চাটি-ফুটি কৰি মৰোঁ

তুমি আছিলা মোৰ বাবে মোপাছাঁৰ গল্পৰ দৰে
শেষ হৈয়ো নহ’লা শেষ
তুমি আছিলা মোৰ বাবে কীটছৰ এটি কবিতা
heard melodies are sweet,
but those unheard are sweeter…

সঁচাকৈ, বিদ্যাশপত
বৰ কষ্ট হৈছে, বৰ কষ্ট
সমাপ্তিৰ আখৰাবোৰে বৰকৈ হাঁহে

আশা আৰু অপেক্ষাৰ মাজত আছিলা তুমি
সেইবাবে শীতৰ পাৰ হৈ যোৱা প্ৰতিটো সন্ধিয়াই
তোমাৰ কথাকেই কৈছিল
এতিয়া হৃদয়খন শূন্যতাৰে ভৰি পৰিছে
ভালপোৱাবোৰ হৈ পৰিছে যন্ত্ৰণা

কাকো নোকোৱা কথাবোৰ তোমাকো ক’ব নোৱাৰিলো
তাৰ বাবে মোক ভুল নুবুজিবা
কাৰণ আজিও তোমাক চোৱাৰ এটা হেঁপাহে
বুকুত খুঁচি থাকে অহৰ্নিশে।

১. মোপাছাঁ: Guy de Maupassant
২. কীটছ: John Keats
৩. কীটছৰ কবিতা Ode on a Grecian Urn-অৰ শাৰী

লেখকৰ ঠিকনা: তেজপুৰ

আপোনাৰ আৰু ভাল লাগিব পাৰে:

অলকেশ চক্ৰৱৰ্তী

তেজপুৰ +৯১ ৯০৮৫২ ৪৭৪৪৭

আপোনাৰ মন্তব্যই লেখকক প্ৰেৰণা যোগাব

avatar
  চাবস্ক্ৰাইব কৰক  
Notify of