কাব্যধাৰা ৬

প্ৰকাশ: ১৪ এপ্ৰিল, ২০১২ | অন্তিম সম্পাদনা: ২৪ মে, ২০১৮

[ তুলিকা নিৰ্মলীয়া আৰু ৰুণজুন গগৈৰ কবিতা ]kabita bihu1

সুবাস

তুলিকা নিৰ্মলীয়া

হাচনাহানাৰ ভৰত ৰাতিটো দোঁ খাই পৰোঁতে
মই আজি আকৌ এবাৰ তুমি তুমি গোন্ধাইছোঁ!
ব’হাগৰ কোনোবা এটা দুপৰীয়াক সুঁৱৰি
দুচকু আজিও ওলমি ৰয় খিৰিকিৰ ফাঁকত জোনাকৰ স’তে।

বৰদৈচিলাই উৰুৱাই নিয়ে সোঁৱৰণিৰ গাৰ শেলুৱৈ-চাদৰ
বৰষুণে আহি গুণগুণাই খিৰিকিৰ সিটো পাৰে,
কাঁচৰ খিৰিকিত পৰীৰ ছবি আঁকি
নিচুকাই টোপনি নহা সপোনবোৰক।

আমোলমোলাই বিষাদৰ ফুলবোৰ ফুলে ৰাতিৰ বুকুত
পিন্ধি লওঁ কাণৰ লটিত,
আঁৰি লওঁ ডিঙিৰ গলপতা কৰি
আলফুলে সানি লওঁ সুবাস সমস্ত শৰীৰত।

তোমাৰ নামতেই দুচকুৰে সৃষ্টি হয় এখন নৈ
আকণ্ঠ ডুবি ডুবি স্নান কৰোঁ তাতে,
সাঁতোৰো…
তথাপিও থাকি যায় তুমি তুমি গোন্ধ!


সৰিয়হ ফুলৰ গান

ৰুণজুন গগৈ

আকাশ ধিয়াই ফুলি থকা সৰিয়হৰ
মুঠি মুঠি হালধীয়া ৰংবোৰ—
গালে মুখে সানি লোৱা গাভৰুৰ
উচ্ছল হাঁহিৰ খিলখিলনি

হালি জালি থকা সৰিয়হডৰাই
বতাহৰ তালত গানৰ গুণগুণনি তোলে
যেন এজাক মৌমাখি

উদাস আবেলিবোৰত পথাৰ খনত
সৰিয়হৰ ৰাগীত মতলীয়া হৈ
কোনোবা জনে বাঁহীত
সুৰৰ খলকনি তোলে।

আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।

UPI-ৰ জৰিয়তে বৰঙণি আগবঢ়াবলৈ

Secure payment | PhonePe, Google Pay, Amazom Pay, Paytm

আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।


.

Leave a Reply

Your email address will not be published. Required fields are marked *

আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।

UPI-ৰ জৰিয়তে বৰঙণি আগবঢ়াবলৈ স্কেন কৰক:

Secure payment | Powered by UPI

আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।

Similar Posts