ৰ’দেই হওক বা বৰষুণেই হওক ছাতিটো নেৰিবা

image[ কন্দর্পজিৎ কল্লোল ]

তুমি এতিয়া সৰু হৈ নাই অ’,
এতিয়া ৰ’দেই হওক বা বৰষুণেই হওক ছাতিটো নেৰিবা।

ওপৰত আছে নিলাজ বৰষুণৰ টোপাল
তোমাৰ বুকুলৈকে হাত মেলি দিব
তোমাৰ সমস্ত শৰীৰ চুই চাব।

ৰ’দ, বতাহ, ধূলি
সকলোৰে চকু তোমালৈ
সাৱধানে থাকিবা!

নৈৰ পাৰলৈ নাযাবা নামাই
কদম ডালত বহি আছে হাৰমজাদা কানাই
নৈখনলৈ নানামিবা জলকোঁৱৰে লৈ যাব পাৰে পলুৱাই।

মূৰত ওৰণি ল’বা, বোকাত নানামিবা
মাছ মাৰিবলৈ নাযাবা
ঢোৰা সাপে খুঁটিব পাৰে।

ঢোৰা সাপে খুঁটিলে মানুহ নমৰে
পিছলৈ আন সাপে নোখোঁটে।

আপোনাৰ আৰু ভাল লাগিব পাৰে:

সম্পাদক

editor@nilacharai.com

আপোনাৰ মন্তব্যই লেখকক প্ৰেৰণা যোগাব

প্ৰথমে আপুনিয়েই মতামত দিয়ক!

avatar
  চাবস্ক্ৰাইব কৰক  
Notify of