ৰশ্মিৰেখা দাসৰ কবিতা
প্ৰকাশ: ১৫ জুলাই, ২০১২ | অন্তিম সম্পাদনা: ২১ জুন, ২০২১
শুক্লপক্ষৰ ৰাতিবোৰত মই এপাহ ভেট-ফুল হ’ম
নিসংগতাত উজাই আহে হেঁপাহ…
তই দুৰ আকাশৰ ৰূপোৱালী জোন
তোৰ স্নিগ্ধতাত এবাৰ হেৰাই চাবলৈ,
ওৰে নিশা তোৰ প্রেমত পৰিবলৈ
শুক্লপক্ষৰ ৰাতিবোৰত মই এপাহ ভেট-ফুল হ’ম !
কোনো অনামী আবেলি
তোৰ নামত নুগুঠোঁ থুনুকা সপোনৰ মালা
তোক লৈ সেয়ে কিঞ্চিতো নাই বুকুৰ ব্যাথা
নক’লেও যেন তই উমান পাৱ
হৃদয়ত উকমুকাই থকা মোৰ এহেজাৰ কথা।
ৰাগী লাগি যায় জোনাকৰ মায়াত
এই যে বেনামী আবেগবোৰ
মনৰ চালে বেৰে এঠা লগা আকৰ্ষণ
কি নাম থওঁ বাৰু তাৰ ?
আকুলতা… নে ভালপোৱা ?
দুপৰ নিশা দুচকুত উজ্জ্বলে জোনাকী সাধু
সুকোমল পাহিত মোৰ কোমল আহ্বান
তোৰ বাবেই…!
তই মোৰ হিয়াৰ আহ্লাদিত জোন…
তোৰ সৈতে
শব্দৰ জোনাকত তিতিম !
এটি আলাসৰ সপোন এয়া…
তিতি তিতি আত্মহাৰা হ’ব মোৰ পনীয়া হৃদয়
এখন এখনকৈ সুলকি পৰিব
বুকুত মেৰ খাই থকা বিষাদৰঙী চাদৰ
ভালপোৱাবোৰ উজাই আহিব এনেকৈয়ে
পানীত খলকনি তুলিব লাজৰ এটোপাল
আৰু তই ডাৱৰৰ আঁৰ হৈ
আমেজ ল’বি আজলী প্রিয়াৰ…!
মই এপাহ ভেট-ফুল
তই নেদেখা দূৰৰ নীহাৰিকাত উজলি উঠা নূৰ…
মূৰ তুলি চালেই যেন
তোৰ সুন্দৰতাত সুখৰ চকুলো সৰিব মোৰ !
মোৰ জোন,
দূৰে দূৰেই প্রতিশ্রুতি দিম তোক
তোক পোৱাৰ হেঁপাহত
জনমে জনমে মই তোৰ জোনাকী হ’ম
বুকু ভৰি তোক চোৱাৰ হেঁপাহত
শুক্লপক্ষৰ ৰাতিবোৰত মই এপাহ ভেট-ফুল হ’ম !
নীলা চৰাই . জুলাই ২০১২
আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।
UPI-ৰ জৰিয়তে বৰঙণি আগবঢ়াবলৈ
Secure payment | PhonePe, Google Pay, Amazom Pay, Paytm
আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।
.
আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।
UPI-ৰ জৰিয়তে বৰঙণি আগবঢ়াবলৈ স্কেন কৰক:
Secure payment | Powered by UPI
আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।
Leave a Reply