শব্দৰ উদাসীনতাত জঞ্জাল পৃথিৱী

প্ৰকাশ: ১৫ জুলাই, ২০১২ | অন্তিম সম্পাদনা: ৩১ অক্টোবৰ, ২০২১

কিহৰ অপেক্ষাত ৰৈ থাকে সময়
জ্বলন্ত জীৱনৰ গান শুনিবলৈ নে
ফট্-ফট্কৈ জ্বলি ছাই হোৱা
জীৱনৰ আচবাব চাবলৈ!

মৰিশালিৰ বুকুত দুলি আছে
মোৰ জীৱনৰ এবুকু প্রত্যাশা।
পাৰিজাত পৃথিৱী অথবা শেৱালি নিশা
জীৱন-আবেলিৰ অস্তমিত ৰ’দজাকত জুপুকা মাৰে
মোৰ নিস্তব্ধ অনুভৱৰ সুৰৰ আটলাণ্টিক।

সেপ ঢুকি জীয়াই আছে আজি
মোৰ হৃদয়ৰ অস্পষ্ট কণ্ঠস্বৰ,
সেউজীয়াক ভালপোৱাৰ অপৰাধত অপৰাধী সি।
সমুখত
নিৰাশাই আবৰা ধূসৰ সন্ধিয়াৰ ৰূপকথা,
আকাশ চুব খোজা হৃদয়ৰ
হতাশাৰ অন্তহীন পথ।

এতিয়া মুখাখন খুলি থ’লেও নিচিনো মুখখন।
তলাবন্ধ হৃদয়ত খিৰিকীৰ সন্ধান,
অস্থিৰতাৰ কফিনত জীৱনৰ উত্তাল নাচোন।

শব্দৰ ৰাজপথ কলৈ গ’ল…
তীৰকঁপে হোৱা জ্বৰত কঁপি থকা জোনাকৰ দেশলৈ
নে উচন বুকুত শাণ দিয়া তপত হুমুনিয়াহবোৰলৈ!

এতিয়া আৰু চপৰা-চপৰে নখহে
মোৰ শব্দৰ পংকিল পাথৰ
অত্যাচাৰী অনামী ধুমুহাত বুকুত গোট মৰা
মোৰ অনুভৱৰ উৰুখা পথাৰ।

শব্দহীনতা আৰু অনুভৱহীনতা…
মহাশূন্যত বিস্ফোৰণ
মোৰ হৃদয়ৰ ব্যাকুল আস্ফালন,
মোৰ শব্দৰ জ্বালামুখী অভিলাস।

শব্দৰ উদাসীনতাত আজি
মোৰ জঞ্জাল পৃথিৱী।

আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।

UPI-ৰ জৰিয়তে বৰঙণি আগবঢ়াবলৈ

Secure payment | PhonePe, Google Pay, Amazom Pay, Paytm

আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।


.

Leave a Reply

Your email address will not be published. Required fields are marked *

আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।

UPI-ৰ জৰিয়তে বৰঙণি আগবঢ়াবলৈ স্কেন কৰক:

Secure payment | Powered by UPI

আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।

Similar Posts