প্ৰকৃতি

“পৰোপকাৰায় ফলন্তি বৃক্ষাঃ
পৰোপকাৰায় বহন্তি নদ‍্যঃ।
পৰোপকাৰায় দুহন্তি গাৱঃ
পৰোপকাৰাৰ্থ মিদং শৰীৰম্।।”*

পৰোপকাৰী বৃক্ষ,
অবিহনে ধৰা ৰুক্ষ।

জল বায়ু বস্ত্ৰ খাদ‍্য
ষোড়শোপচাৰ নৈবেদ‍্য,
সকলোৰে ই উৎস,
অবিহনে ধৰা ৰুক্ষ।

প্ৰকৃতি পৃথিৱীৰ প্ৰাণ,
প্ৰগতিৰ জীৱন ধাৰণ।
পশু-পক্ষী, পাহাৰ-নদী
কিয়নো ক্ৰুৰতাৰ লক্ষ‍্য?

অকৃপণ হাতেৰে দিয়াৰ পাছতো
নহৱ কিয়নো ক্ষান্ত?
বিদাৰি প্ৰকৃতিৰ বক্ষ,
ৰূপ ললি অনাহুত যক্ষ।

হেৰ’ মানুহ,
স্বাৰ্থপৰতাত নহ’বি অজ্ঞ,
সময় থাকোঁতে নিজেই হ বিজ্ঞ
ৰোধিবলে’ প্ৰকৃতিৰ ধ্বংসযজ্ঞ।

*परोपकाराय फलन्ति वृक्षाः परोपकाराय वहन्ति नद्यः।
परोपकाराय दुहन्ति गावः परोपकारार्थ मिदं शरीरम् ॥

আপোনাৰ আৰু ভাল লাগিব পাৰে:

আপোনাৰ মন্তব্যই লেখকক প্ৰেৰণা যোগাব

avatar
  চাবস্ক্ৰাইব কৰক  
Notify of