যাত্ৰা

যাত্রাৰ সকলো আয়োজনৰ পাছত
স্বপ্নৰ প্লেটফৰ্মত বহি
শেষ মুহূৰ্তত তুমি ঘোষণা কৰিছিলা
বিশেষ অসুবিধাবশতঃ
আপোনাৰ সৈতে মোৰ জীৱনমুখী যাত্রা বাতিল কৰা হ’ল।

আৰু সেইদিনা
ঢৌহীন শীৰ্ণ নদীৰ দৰে,
চৰাইৰ কলৰৱহীন বিষণ্ণ আবেলি এটাৰ দৰে,
নৈয়ে এৰা সুঁতিৰ দৰে
অনুৰ্বৰ হৈ পৰি ৰৈছিলো প্লেটফৰ্মৰ এটি কোণত।

মই জানো,
প্ৰেমৰ ইতিসাহ কাহানিও মসৃণ নাছিল,
জংকি-পানৈ, ৰাধা-কৃষ্ণ
নতুবা শকুন্তলা আৰু ৰজা দুষ্যন্ত—
অশ্রুত বুৰ যায় সকলো।

আৰু মই…
সকলো বুজিও ছায়া হৈ পৰি ৰৈছোঁ
নিচুকাব খুজি নিজকে
অশ্ৰুৰ হাঁহিৰে।

লেখকৰ ঠিকনা: বাক্সা

আপোনাৰ আৰু ভাল লাগিব পাৰে:

শৈলেন কুমাৰ কলিতা

লেখকৰ ঠিকনা: বাক্সা

আপোনাৰ মন্তব্যই লেখকক প্ৰেৰণা যোগাব

avatar
  চাবস্ক্ৰাইব কৰক  
Notify of