পংকজ কুমাৰ নেওগৰ কবিতা
প্ৰকাশ: ১৪ জুলাই, ২০১২ | অন্তিম সম্পাদনা: ২১ জুন, ২০২১
তোৰ চিঠিখন
'তোক মই ভালপাওঁ' বুলি
তিনিটা আখৰৰ যে চিঠিখন দিছিলো,
আজি তাৰ উত্তৰ পালো,
বকুলীৰ হাতত যে দি পঠিয়াইছিলি
তোৰ চিঠিখন!
এয়া চা সৰু, একা-বেঁকা আখৰৰ মাজত
পঠিওৱা তোৰ মৰমবোৰ মই পিন্ধিছোঁ
পথৰুৱা সুৰটো গুণগুণাইছোঁ,
তইটো জানই মই খেতিয়কৰ ল'ৰা,
গোটেই দেহাতে হয়তো বোকা আৰু মাটি…
মোক ভালপোৱাৰ পাছৰ তোৰ মুখৰ
ৰঙা বেলিটো এবাৰ চাবৰ মন গৈছিল,
আহৰি পোৱা নাই অ'!
ভৰ বাৰিষাতে মাটিকেইডৰা নাঢাকিলে
বছৰটো চলিবলে বৰ টান হয়।
সৰু,
বাজলে’ নোলাবি ৰ'দে তোক পুৰিব,
মাছলে’ নাযাবি জোকে তোক ধৰিব,
তাতে মই মৰমৰ দুৰ্বল অ'।
«
ক'লৈ গ'ল মানুহজন
(হীৰুদাৰ সোঁৱৰণত)
মানুহজনে বিদায় বোলা নাছিল,
কাৰণ, পথাৰ আৰু শাওণ ভাল পোৱা মানুহজনে বিদায় বুলিব নাজানিছিল,
চাওকচোন এবাৰ, জীয়াঢলে থকা-সৰকা কৰা মোৰ ভঙা কলিজাত আত্মগোপন কৰি থকাৰ দৰে
আপোনাৰ কলিজাতো থাকিব পাৰে তেওঁ।
তেওঁৰ বাবেই ভাল পাবলৈ লৈছিলো শৃংখলিত শব্দবোৰক,
গোটাবলৈ আৰম্ভ কৰিছিলো মোৰ অপৈণত ভাষাবোৰ,
আজি হঠাতে মোৰ মূৰৰ ওপৰৰ হাতখন আঁতৰাই কলৈ গ'ল তেওঁ ?
ভোগবাদী পৃথিবীৰ নতুন সূত্ৰ— 'কিবা পাবলৈ হ'লে কিবা এটা দিবও লাগে',
উদৰ পূৰাই দিলা মোক তুমি,
এতিয়া তোমাক দিবলে’ মোৰ চকুপানীৰো অভাব…
নীলা চৰাই . জুলাই ২০১২
আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।
UPI-ৰ জৰিয়তে বৰঙণি আগবঢ়াবলৈ
Secure payment | PhonePe, Google Pay, Amazom Pay, Paytm
আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।
.
আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।
UPI-ৰ জৰিয়তে বৰঙণি আগবঢ়াবলৈ স্কেন কৰক:
Secure payment | Powered by UPI
আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।
Leave a Reply