মৃদুল মজিন্দাৰ বৰুৱাৰ কবিতা
প্ৰকাশ: ১৪ জুলাই, ২০১২ | অন্তিম সম্পাদনা: ২১ জুন, ২০২১
পৃথিৱীৰ সকলোতকৈ ধুনীয়া ছোৱালীজনীলৈ
আজি তোমাক একেবাৰে কাষত পাবলৈ মন গৈছে
এই বৰষুণ এই বতাহ
সকলোৱে মোৰ স্পৃহা জগাই তুলিছে
তীব্রতৰ কৰি তুলিছে মোৰ মনটোক
তোমাক কাষত পাবলৈ
আহাঁ
বৰষুণত তিতি জুৰুলি হোৱা দূবৰি বনেদি
তোমাৰ কোমল দুভৰিৰ পৰশ পেলাই
সোমাই আহাঁ মোৰ দুজনীয়া কুঠৰীটোলৈ
মই ৰৈ আছোঁ দুবাহু প্রসাৰিত কৰি
তোমাৰ বাবে
ব'লা
বহোঁগৈ দুয়ো মোৰ সৰু বেলকনিটোতে গাতে গা লাগি
আৰু দৃষ্টি ৰাখোঁ দুয়ো সেই দূৰৈৰ পাহাৰখনত মৌনতাৰে
কুচি মুচি তুমি মোৰ দুবাহুত সোমাই পৰিবা
কান্ধত মূৰ থ'বা
আমাৰ উশাহে কথা পাতিব
আলফুলে তোমাৰ এখন হাত তুলি ল'ম মোৰ দুহাতৰ মাজত
তুমি চকু তুলি চাবা মোৰ দুচকুলৈ প্রথমবাৰৰ বাবে
চাৰিচকুৰ মিলন
দুটি দেহা দুটি মন দুটি প্রাণ
এক হ'বলৈ কিমান পৰ
লাহে লাহে সুদৃঢ় হ'ব আমাৰ দুবাহুৰ বান্ধোন
অজানিতে আগবাঢ়ি যাব মোৰ ওঁঠ
তোমাৰ ওঁঠৰ কম্পনতাৰ দিশে
আৰু শিয়ঁৰি উঠিব দূৰৰ পাহাৰখনো
পশ্চিমৰ আকাশখন গোমা হৈ উঠিব
হয়তো এজাক বৰষুণ আহিব!
নীলা চৰাই . জুলাই ২০১২
আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।
UPI-ৰ জৰিয়তে বৰঙণি আগবঢ়াবলৈ
Secure payment | PhonePe, Google Pay, Amazom Pay, Paytm
আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।
.
আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।
UPI-ৰ জৰিয়তে বৰঙণি আগবঢ়াবলৈ স্কেন কৰক:
Secure payment | Powered by UPI
আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।
Leave a Reply