বয়স

হাবিৰ ছায়া বিষাদ হৈ পৰা পৰত বা
নিয়ৰবোৰ গোট মাৰি শিল হোৱাৰ পৰত
দুভৰিয়ে শিপাবোৰ মেলি দিয়ে।
জুখি চায় গভীৰতা
শুহি লয় মাটি লাগি থকা অস্তিত্ব

দুহাতে বগাই চাই উচ্চতা
খামুচি ধৰে মণি গাঁঠি ৰখা আকাশৰ আভিজাত্য

বুকুৰ মায়া-মোহত কলিজাৰ মেৰপাক ছিঙি
ফুলি উঠে অবতৰীয়া কেতেকী

কিন্ত…
উখহি উঠা দেহৰ ছালখনৰ গৰাখহনীয়াই
লুকুৱাব নাজানে শীৰ্ণতা
কৈ যায় পোৱা নোপোৱাৰ অন্তৰাল আৰু
বিষাদ হোৱা হাবি বা নিয়ৰ হোৱা শিলৰ ৰহস্য।

লেখকৰ ঠিকনা: সহকাৰী অধ্যাপক, নেটেছ ইন্সটিটিউট অফ ফাৰ্মাছিউটিকেল ছায়ন্স, মিৰ্জা, কামৰূপ

আপোনাৰ আৰু ভাল লাগিব পাৰে:
দীপাঙ্কৰ বৰদলৈ

দীপাঙ্কৰ বৰদলৈ

সহকাৰী অধ্যাপক, নেটেছ ইন্সটিটিউট অফ ফাৰ্মাছিউটিকেল ছায়ন্স মিৰ্জা, কামৰূপ

আপোনাৰ মন্তব্যই লেখকক প্ৰেৰণা যোগাব

avatar
  চাবস্ক্ৰাইব কৰক  
Notify of