অৰণ্যময় বাগিচা

imageপছোৱা বতাহজাকক সুধিলো
অস্তাচলৰ বেলিটি সাৰে আছেনে ?
অচিনাকি যদিও চিনাকি সেই সূৰুয
কোনোবা এটা পৰত শুই পাৰিছিল মোৰেই বাগিচাত
কোনোবাই এতিয়া অৰণ্য নাম দিয়ে সেই বাগিচাৰ
পছোৱা, তই জিৰাবি নেকি পূবৰ অৰণ্যত ?
পছিমত এতিয়া জুয়ে পোৰা অতীত
পলাই আহিছ চাগে সহিব নোৱৰাৰ ভয়ত !

পছিমৰ বেলিটি মই প্ৰায়েই নাচাওঁ বুলি ভাবোঁ
অৰণ্য দহনে ত্ৰস্ত কৰি ৰাখে
বিচাৰিলে জিৰাব পাৰ তই এই অৰণ্যত
চিন্তা নকৰিবি, সেই জুয়ে বাগিচাহে পোৰে
জবা ফুলবোৰ হালধীয়া হৈয়েই আছে
হেঙুলীয়াক গৈ কবি

কোনোবাই কয় লেৰেলিল হেনো
তথাপিও এজাক কিনকিনীয়াৰ অপেক্ষাত
পছিমৰ হালধীয়াবোৰ হেঙুলীয়া হোৱাৰ অপেক্ষাত
অৰণ্যৰ পৰা পুনৰ বাগিচা হোৱাৰ প্ৰতীক্ষাত।

আপোনাৰ আৰু ভাল লাগিব পাৰে:

Leave a Reply

1 Comment on "অৰণ্যময় বাগিচা"

avatar
Sort by:   newest | oldest | most voted
মহেন্দ্ৰ কাকতি
Member

কোনোবা সময়ত দেশ বিভাজনৰ সময়ৰ এখন ছবি এখন কবিতাটোত বিচাৰি পোৱা যায়। মই শুদ্ধনে?