সোঁৱৰণিৰ এক পৃষ্ঠা
প্ৰকাশ: ১৮ অক্টোবৰ, ২০১২ | অন্তিম সম্পাদনা: ২৭ মে, ২০২০
সোঁৱৰণিৰ জখলাৰে নামি
কুঁৱাটোত জঁপিয়াই পৰিলো।
হুদু চৰাইৰ দৰে একাকী হৈ
ক্লীৱতাক সাৱটাৰ দুঃখবোধে গৰকি যায়
অজানিতে বাক্যত ক্রিয়া পদ যোগ হয়।
সুখ–দুখৰ মোহনাত
সুখক আঁকোৱালি
দলিয়াই পেলালো দুখৰ গাৰু,
এজোলোকা আনন্দৰ আৱেশত
এঙামুৰি দি উঠিল আকলুৱা গা।
সোঁৱৰণিৰ পৃষ্ঠাত ৰ’দৰ দাপোণ;
জিলিকি পৰিছে তোমাৰ মুখ
উফৰি পৰিছে তামৰঙী গালৰ জেউতি
নৈৰ যুঁৱলিত উৰি ফুৰিছে
দেওলগা কমলা কুঁৱৰীৰ বুকুৰ গান।
গাগিনী, পানী কিমান হ’ল?
ৰঙাজবা নে পদুম ৰঙা তোমাৰ ওঁঠ?
উথলি উঠিছে য’ত মৌ-মিঠা হাঁহিৰ ৰেশ।
তোমাৰ সুন্দৰ মুখত কোন চহৰ
মহেঞ্জোদাৰো নে হৰপ্পা?
অজন্তা নে ইলোৰাৰ ভাস্কর্য?
নাজানো, অশোক নে আলেকজেন্ডাৰ তোমাৰ প্রিয়।
তোমাৰ বাহুৱে, বুকুৱে বিয়পি আছে
জুমি চোৱা ৰ’দে সপোন অঁকা
মোৰ প্রিয় কদম গছৰ বিষাদ অৰণ্য,
য’ত নির্বিঘ্নে টোপনি যায়
হেৰোৱা সোঁৱৰণিৰ ভালপোৱাৰ দ্রাঘিমা।
স্মৃতিৰেখা ভূঞাআপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।
UPI-ৰ জৰিয়তে বৰঙণি আগবঢ়াবলৈ
Secure payment | PhonePe, Google Pay, Amazom Pay, Paytm
আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।
.
আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।
UPI-ৰ জৰিয়তে বৰঙণি আগবঢ়াবলৈ স্কেন কৰক:
Secure payment | Powered by UPI
আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।
Leave a Reply