সন্ধিক্ষণত এগৰাকী কইনা

Drops of Love

[ অৰূপ কুমাৰ পাঠক ]

মনৰ পদূলি আজি উগুল-থুগুল ,
য’তেই পৰে চকু কিয় হয় যে গণ্ডগোল।
আইৰ চেনেহৰ ঘৰখন এৰি
আজি যাম মই গুচি,
নাজানো কি হ’ব
মোৰ অদূৰ ভৱিষ্যতৰ গতি!
ল’ৰালিৰ দিনবোৰে কৰিব আমনি
হিয়া মন উচুপিব, নহয় ই ধেমালি।
সোণৰ খাৰু, মণি-কেৰু, কাজল, সেন্দুৰ
সকলোৰে শোভিত হ’লেও মন যে বিভোৰ।
অনামিকা আঙুলিত মোৰ এই আঙুঠি,
কত সপোন কত আশাৰ ই দিয়ে অনুভূতি।
প্রিয়তম আহিব সখিয়েকৰ ছাতিৰ তলত,
ভন্তিয়ে গৈ ভৰি ধুৱাব সবাৰে আগত।
আয়তীৰ বিয়ানাম, উৰুলি
সুখ-দুখৰ সন্ধিক্ষণত মন উদুলিমুদুলি।
কইনাৰ সাজত লুকাভাকু খেলে হেঁপাহৰ ৰংবোৰে,
পিছে অন্তৰৰ একোণত কান্দো মই কৰুণ সুৰে।
যামগৈ যদিও আঁতৰি, হ’ব মোৰো নতুন সংসাৰ
আঁচলত তথাপি বুটলি লৈছোঁ মই স্মৃতিৰ সম্ভাৰ।

ছবি: শান্তিছায়া দত্ত, উৎস: ফ্লিকআৰ

আপোনাৰ আৰু ভাল লাগিব পাৰে:

আমাৰ ই-মেইল তালিকাত যোগ দিয়ক আৰু বিনামূলীয়াকৈ ই-বুক লাভ কৰক !


আমাৰ ই-মেইল তালিকাত যোগ দিয়ক আৰু প্ৰীতিৰ চিন স্বৰূপে বিষ্ণুপ্ৰসাদ ৰাভাৰ 'অসমীয়া কৃষ্টিৰ চমু আভাস' ই-বুক (ই-পাব/ মবি/ পিডিএফ) ৰূপত পাওক বিনামূল্যে !

আমি আপোনাৰ ই-মেইল ঠিকনা নিশ্চিত কৰিব লাগিব। আমি এইমাত্ৰ আপোনালৈ এটা ইমেইল প্ৰেৰণ কৰিছোঁ; সেই ইমেইলত দিয়া লিংকত ক্লিক কৰি আপোনাৰ চাবস্ক্ৰিপশ্যন প্ৰক্ৰিয়া সম্পূৰ্ণ কৰক।

সম্পাদক

সম্পাদক

editor@nilacharai.com

Leave a Reply

Be the First to Comment!

avatar
wpDiscuz