উদয়ন গোস্বামীৰ কবিতা

হীৰুদা আৰু নাই

সুগন্ধি পখিলাৰ সুগন্ধ মলঙি যায়
হাটৰুৱা বাটৰুৱাৰ বুকুৰ কুটুম হেৰায়
ওৰেটি জীৱন কবিতাকে যাপন কৰি
আজি কথা মালিতাৰ ছন্দ হেৰায়

কবিতা পৰম সুহৃদ, শয়ন-সপোন
ভোকৰ ভাত, অমাতৰ মাত
সুখৰ-দুখৰ আশ্ৰয় গোপন
বুকু ভঙাৰ যন্ত্ৰণা
সুখৰ মধুৰ বাসনা
কবিতাই আনে মাতৃৰ আঁচলৰ উম মৌ-সনা

হীৰুদাই কৈছিল—
কবিতা আমাৰ আই
যাৰ কোলাত মূৰ থৈ জীৱন ঘুমটি যায়।

নীলা চৰাই . জুলাই ২০১২

আপোনাৰ আৰু ভাল লাগিব পাৰে:

সম্পাদক

editor@nilacharai.com

Leave a Reply

Be the First to Comment!

মন্তব্য দিয়ক:

wpDiscuz