তোমাৰ প্ৰাচুৰ্যময় চুবুৰিতে জী উঠিছোঁ

তোমাৰ চুবুৰিতে গজে মোৰ উশাহৰ দুপতীয়া পুলি
মৰি মৰিও জী উঠে ৰক্তবীজ প্ৰেম
যান্ত্ৰিকতাৰ কোলাহল ফালি
বৈ যায় নীৰৱ নদী
সাগৰলে’ যোৱা  বাট বিচাৰি

তুমি
মোৰ ভাগৰুৱা চকুৰ সুখনিদ্ৰা
চহা পিতাইৰ তৃষ্ণাৰ্ত ওঁঠত ৰঙা চাহ এবাতি
বিগতা আইৰ নিজান সমাধিত শ্ৰদ্ধালু চাকি এগছি
লঠঙা অৰণ্যৰ আকুল শিয়া ধিয়াই
উবুৰি খাই পৰা
বাৰিষাৰ প্ৰথমজাক বৰষুণ !

হুমুনিয়াহবোৰ বিদায় দি ভৰাই লৈছোঁ খালী শ্বাসতন্ত্ৰত
প্ৰাণৱন্ত অক্সিজেন
আৰু  ক্ৰমান্বয়ে
তোমাৰ প্ৰাচুৰ্যময় চুবুৰিতে জী উঠিছোঁ !

আপোনাৰ আৰু ভাল লাগিব পাৰে:

লিখন নীল কোঁৱৰ

ষ্টেট বেংক অৱ ইণ্ডিয়াৰ কৰ্মচাৰী চাবুৱা

Leave a Reply

Be the First to Comment!

মন্তব্য দিয়ক:

wpDiscuz