তোমাক ভালপোৱাৰ অনুভৱেৰে

প্ৰীতিৰেখা দাস

এইপথেৰ আগেও বহুবাৰ গৈছোঁ
কিন্তু তোমাক লগ পোৱাৰ পৰা যেন
পথবোৰৰ কমনীয় ভাঁজবোৰত
লিৰিক-ধিৰিককৈ মোৰ যৌৱনৰ সুৰে
গাবলৈ লৈছে হেঁপাহৰ গান।

কাহানিও ভাল লগা নছিল
নিশাৰ এই নিৰ্জনতা
আৰু এতিয়া
যেন ভাব হয়
ই দীঘলৰ পৰা হওক
আৰু দীঘল
তোমাক ভাল পোৱাৰ অনুভৱেৰে ভৰি থাকক
নিশাৰ এই স্নিগ্ধ নিৰ্জনতা।

নীল চৰাই . কাতি . ১৮ অক্টোবৰ ২০১২

সম্পাদক

editor@nilacharai.com

Leave a Reply

Be the First to Comment!

মন্তব্য দিয়ক:

wpDiscuz