ৰাণুমণি বৰাৰ কবিতা

হৃদয়ৰ পৰা হৃদয়লৈ

হৃদয়ৰ শূন্যতা পূৰাবলৈ প্ৰয়োজন
আন এখন মৰমেৰে পলসুৱা হৃদয়

ভগা কলিজা জোৰা লগাবলৈ
প্ৰয়োজন উমাল সান্নিধ্যৰ
যাক কোনো মূল্যৰে জুখিব নোৱাৰি

সংকীৰ্ণতাৰ ঠেক কুঠৰীৰ পৰা
উত্তৰণ সম্ভৱ হয় উদাৰতা,
হৃদয়ৰ আকুলতাৰে
বিশালতাৰ বক্ষলৈ।

সস্নেহ সান্নিধ্যৰ সোণালী সূতাৰে
সেতু গঢ়িব পাৰি হৃদয়ৰ পৰা হৃদয়লৈ

দুৰ্লংঘ্য প্ৰাচীৰকো হেলাৰঙে নেওচিব পাৰি
হৃদয় অভিমুখী যাত্ৰাৰ সংকল্পৰে।

নীলা চৰাই . জুলাই ২০১২

আপোনাৰ আৰু ভাল লাগিব পাৰে:

সম্পাদক

editor@nilacharai.com

Leave a Reply

Be the First to Comment!

মন্তব্য দিয়ক:

wpDiscuz