হিমাংশু প্ৰসাদ দাসৰ কবিতা

প্ৰকাশ: ১৫ জুলাই, ২০১২ | অন্তিম সম্পাদনা: ৬ এপ্ৰিল, ২০২১

প্ৰেমিক-প্ৰেমিকা

কোনো বিশেষ প্ৰত্যাশা ৰখা নাই তোমাৰ পৰা
তুমি চুলিখিনি চুটিকৈ কাটি দিলা
মই দীঘল চুলিহে ভাল পাওঁ
মুখ তোমাৰ বন্ধ হ’বই নোখোজে
মই কম কথা কোৱা মানুহহে ভাল পাওঁ
ইত্যাদি ইত্যাদি
কিমান যে আপত্তি… কিমান যে…
মই বিচৰা ধৰণে তোমাক পোৱাৰ আকাঙ্ক্ষা।

আচলতে এই ইচ্ছাবোৰৰ কাহানিও অন্ত নাথাকে
দুখী হ’ব পৰাকৈ এনে তুলনাৰ অভাৱ নহয়
তুমি অমুকৰ নিচিনা কিয় নহ’লা

আচলতে ভালপোৱাৰ সংজ্ঞা ভীষণ সৰল
তুমি উজুটি খালা
মই বুকুত বিষ এটা অনুভৱ কৰিলো।

কোনো বিশেষ প্ৰত্যাশা ৰখা নাই তোমাৰ পৰা
কেৱল ভালকৈ ভাল পাব বিচাৰিছোঁ ভাল লাগি যোৱাকৈ।
«

যন্ত্ৰণাৰ বাহিৰেনো তোমাক আৰু কি দিছোঁ

কোনোবা ঋষিৰ জয়াল অভিশাপৰ দৰেই
কৰুণ আৰু ৰক্তাক্ত এই ভালপোৱা।

প্ৰতিপল মই নিজক বিচাৰিলো
সুখৰ অটলত
অথচ দেখিও নেদেখিলো
গহন দুখত তোমাৰ অৱস্থান।

যন্ত্ৰণাৰ বাহিৰেনো তোমাক আৰু কি দিছোঁ…

হিমাংশু প্ৰসাদ দাস | কবিতা

আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।

UPI-ৰ জৰিয়তে বৰঙণি আগবঢ়াবলৈ

Secure payment | PhonePe, Google Pay, Amazom Pay, Paytm

আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।


.

Leave a Reply

Your email address will not be published. Required fields are marked *

আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।

UPI-ৰ জৰিয়তে বৰঙণি আগবঢ়াবলৈ স্কেন কৰক:

Secure payment | Powered by UPI

আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।

Similar Posts