হাতৰ আঙুলিত কবিতা

প্ৰকাশ: ১৪ জুন, ২০১২ | অন্তিম সম্পাদনা: ২২ মে, ২০২০

আজি মনটোৱে
শব্দ বিচাৰি পোৱা নাই
লিখিবলে কবিতা।
ক’ৰবাত যেন হেৰাই গৈছে
শব্দ বুটলি অনাৰ মন।
কিয় এনে হয়?
মনটোক সুধিবলেও
মন যোৱা নাই।
কবিতা এনেকুৱাই
আনন্দ, বিষাদ সকলোতে
কবিতাৰ
একোখন ঘৰ।
তুমি যি বুজা
তুমি যি লিখা
সকলোতে কবিতা।
পথাৰৰ সেউজীয়াত
সাগৰৰ গভীৰতাত
মৰিশালিৰ নিস্তব্ধতাত
সকলোতে কবিতা।
কবিতা, কবিতা, কবিতা
কেৱল কবিতা…
যিফালেই চকু মেলি চোৱা
দেখিবা কবিতা
চকু মুদি যি পোৱা
তাতো আছে কবিতা।
কবিতাৰ স্থিতি
আকাশ, বতাহ, পোহৰ, এন্ধাৰ
সকলোতে।
হাতৰ আঙুলিত কবিতা
কলমত নিগৰে কবিতা
ৰুগীয়া দেহাটিতো দেখিবা
কবিতাৰ উজান
দীপ্তিমান দুচকুত
কবিতাৰ গান।
কবিতা
তোমাৰ আমাৰ সকলোৰে
উশাহে নিশাহে
বিৰাজমান।
মনটো আকৌ জাগিব
বিচাৰি আনিব শব্দ
ৰচিব কবিতা।
তথাপি জানা
আজি মনটোৱে
শব্দ বিচাৰি পোৱা নাই
লিখিবলে কবিতা।

আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।

UPI-ৰ জৰিয়তে বৰঙণি আগবঢ়াবলৈ

Secure payment | PhonePe, Google Pay, Amazom Pay, Paytm

আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।


.

Leave a Reply

Your email address will not be published. Required fields are marked *

আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।

UPI-ৰ জৰিয়তে বৰঙণি আগবঢ়াবলৈ স্কেন কৰক:

Secure payment | Powered by UPI

আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।

Similar Posts