গাঁৱৰ গাভৰু

প্ৰকাশ: ১৫ মাৰ্চ, ২০১২ | অন্তিম সম্পাদনা: ৫ জুলাই, ২০১৯

লুইতৰ শুৱনি দুপাৰ
অসমৰ প্ৰকৃতিৰ সেউজী কোলাত
নগৰৰ নিলগত
বাঁহনি বিৰিণা ভৰা, মাটিৰ বুকুত
—‘সেউজীয়া পথাৰেৰে
ভৰপূৰ তামোলেৰে’
এয়ে মোৰ অসমৰ গাঁও।

জীৱন বাটত বাট বুলি বুলি
ভাগৰুৱা মন মোৰ
জিৰাই এবাৰ গৈ
সেইজোপা বকুলৰ ছাঁত
হেঁপাহৰ নিজৰাটি শিল-গৰা ডেই
পৰেগৈ সেই মোহনাত;
আকলুৱা চকু দুটি
ফুৰে কাৰ আঁচলৰ দহি লেখি লেখি—
তেওঁ মোৰ তেজ-মঙহৰ
একে পথাৰৰ একেটি ঘাটৰ
পদুমী-কেতেকী
সোণপাহী, চম্পা।

ভাঙেহি পুৱাৰ তন্দ্ৰা দহিকতৰাই
কুমটিয়ে ভুৰুকিয়া চোতালৰ বুকু
বাঢ়নিৰে আনিব নিকাই
বননিৰ কেঁচা গন্ধ নিয়ৰ সেমেকা
শেৱালিৰ সুবাসত মন মতলীয়া
যূতি জাপ তগৰৰ
আছুতীয়া শৰাই ভাঙেহি
শৰণীয়া বতাহ সাতোলা—
কাষত গাগৰি লৈ
সমনীয়াহঁতে স’তে নৈৰ ঘাটত
এওঁ যেন মূৰ্তিমতী ঊষা,
চুলিৰ আগেদি বোৱা
পানীৰ টোপালে মনে মনে
সাতো ৰং কিনি লয় বণিয়া বেলিৰ।

কঁকালত মেৰিয়াই ৰিহাৰ খোচনা
হাঁচতিত তামোল দুখন
শাওণৰ পথাৰত ৰাংঢালী মন;
লখিমী হাতেৰে চোৱা
শালি লাহি কঠিয়াই পায়
নৱ জীৱনৰ সেউজীয়া ৰং।

কাতিত পথাৰ ভৰা ভৰ সেউজীয়া
কঙালী বিহুটি বুলি উকা উৰুকাত
ভঁৰালত সযতনে শলিতা লগাই
স্বপ্ন দেখে আঘোণৰ ভৰুণ পথাৰ
আৰু জানো এভঁৰাল ধান?
(আধা যাব আধিয়াত
আধা খাজানাত
আৰু যাব সূদৰ মূৰত!
তেন্তে কি আমাৰ কাতি
সদায় কঙালী?)
আৰু জানো নাই?
আকাংক্ষাৰ কোনো গুটি
নিৰলে পচোৱা, নাই জানো
পিৰালিৰ কোনোবা চুকত?

আৰু পঢ়ক:  নদীৰ দেশৰ মানুহ

(ৰচনা কাল: ১৯৪৫)

আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।

UPI-ৰ জৰিয়তে বৰঙণি আগবঢ়াবলৈ

Secure payment | PhonePe, Google Pay, Amazom Pay, Paytm

আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।


.

Leave a Reply

Your email address will not be published. Required fields are marked *

আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।

UPI-ৰ জৰিয়তে বৰঙণি আগবঢ়াবলৈ স্কেন কৰক:

Secure payment | Powered by UPI

আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।

Similar Posts