এদিন

img

বিয়লি বেলাৰ সুহুৰি এটা ওঁঠত তুলি লৈ
এদিন তেজাল সূৰ্যটো হেৰাই যাব আন্ধাৰৰ মাজত

দুখৰ অৰণ্যত ফুলা সুখৰ ফুলপাহৰ সুবাসে মতলীয়া কৰা প্ৰেমিক চৰাইটি
এদিন ঘৰমুৱা হৈ উভতি নাহিব

ঠনঠনকৈ ভাগি পৰা সপোনবোৰৰ উহুমা গোন্ধত পাৰ কৰা উজাগৰি ৰাতিবোৰ
এদিন নীৰৱে আন্ধাৰৰ কোলাত শুই পৰিব

আন্ধাৰত বুৰ যোৱা ঘৰটোৰ বন্ধ দুৱাৰত টুকুৰিয়াই
এদিন জোনাকবোৰ উচুপি উচুপি আঁতৰি যাব

হৃদয়ৰ পৰা কেতিয়াও বিচ্ছিন্ন নোহোৱা ভালপোৱাৰ অনুভূতিবোৰ
এদিন সোঁৱৰণিৰ পৃষ্ঠাত আধালিখা কৰুণ কবিতা এটি হৈ জিলিকি ৰ’ব…

আপোনাৰ আৰু ভাল লাগিব পাৰে:

Leave a Reply

Be the First to Comment!

avatar
wpDiscuz