বেটুপাত আৰু অন্যান্য: ফেব্ৰুৱাৰী ২০১২

এই সংখ্যাৰ বেটুপাত

img

সন্তৰ্পণে ফাগুন আহিল। মন ৰাইজাই কৰা বতৰ এতিয়া। তাৰ মাজতে আকাশত জুই জ্বলোৱা বলিয়া পলাশ-শিমলু। ফাগুনে যেন ব’হাগৰ বতৰাও কঢ়িয়াই আনে। সেয়েহে হয়তো মনলৈ ফাগুন আহিলে পলাশো ফুলে, দেহৰ বনত কুলিয়েও মাতে। নীলিমা খাতুনে গোৱা নিৰ্মলপ্ৰভা বৰদলৈৰ এই গীতটো এই ফাগুনতে শুনি কেনে লাগে বাৰু?

মনলৈ ফাগুন আহিলে
পলাশো ফুলিলে
দেহৰ বনত কুলিৰে সুহুৰি কঁপিলে
দেহি মোৰ ঐ
চেনাইটি ঐ
চকুলৈ নাচাবা
চাপি চাপি লাহেকৈ কাষলৈ নাহিবা
অ’ এ দেহে এ মনে বনজুই জ্বলিছে
এ জানে এ গাতে সৰিয়হ ফুটিছে।

মন আগলৈ এখুজি
মন পাছলৈ দুখুজি
মন ৰাই-জাই কৰিছে
পিছলি দুভৰি যায় যায় যায় আজি
দেহি মোৰ ঐ চেনাইটি ঐ খোপনি নেৰিবা
উৰণীয়া মনতে জুই নজ্বলাবা
অ’ এ দেহে এ মনে বনজুই জ্বলিছে
এ জানে এ গাতে সৰিয়হ ফুটিছে।

এ চাই চাই বুলিবা বাট
ভুল নকৰিবা
মন পলকৰ ৰাগীতে
বতৰৰ গীতকে গাই গাই গাওঁ আজি
দেহি মোৰ ঐ চেনাইটি ঐ খোপনি নেৰিবা
উৰণীয়া মনতে জুই নজ্বলাবা
অ’ এ দেহে এ মনে বনজুই জ্বলিছে
এ জানে এ গাতে সৰিয়হ ফুটিছে।

মনলৈ ফাগুন আহিলে
পলাশো ফুলিলে
দেহৰ বনত কুলিৰে সুহুৰি কঁপিলে
দেহি মোৰ ঐ
চেনাইটি ঐ
চকুলৈ নাচাবা
চাপি চাপি লাহেকৈ কাষলৈ নাহিবা।


গীতিকাৰঃ নিৰ্মলপ্ৰভা বৰদলৈ
সংগীতঃ জিতু-তপন


ছবিখন ব্যৱহাৰ কৰিব পৰাকৈ লাইচেঞ্চ প্ৰদান কৰা বাবে বলৰাম মহলদাৰক ধন্যবাদ।
মূল ছবি: {সংযোগ}

আপোনাৰ আৰু ভাল লাগিব পাৰে:

সম্পাদক

editor@nilacharai.com

Leave a Reply

Be the First to Comment!

মন্তব্য দিয়ক:

wpDiscuz