চন্দন চিৰিং ফুকনৰ কবিতা
প্ৰকাশ: ১৫ জুলাই, ২০১২ | অন্তিম সম্পাদনা: ৬ এপ্ৰিল, ২০২১
বাসনাৰ শেতেলিত এৰাতি
যোৱাৰাতি পূৰঠ সপোন এটাত
তাইৰ ভৰিৰ পৰা মূৰলৈকে
নৈ এখন গজি উঠা দেখিছিলো
তিতা চুলিবোৰ উদং পিঠিৰে
লতা হৈ বগাইছিল
ঢাকিছিল উঠঙা বুকুৰ
একুৰি বছৰীয়া লাজ।
তাইৰ ভৰি গুচি দেখোঁ
মাছৰ ফিছা হয়
চাকনৈয়া নাভিৰ তললৈকে
মেৰ খাই মাছৰ বাকলি
পনিয়ল ওঁঠত গৰুখিচ এটা ফলে
চম্পাৱতী শৰীৰৰ পৰা
বাসনাৰ পুৰাতন গোন্ধ এটা সৰে।
তাই মানুহৰ পৰা জলকুঁৱৰী হয়
মোৰ কোঠালিত নৈখন বাঢ়ে
খিৰিকীত বাৰিষাই টুকুৰিয়াই
আৰু
আসক্তিৰ প্রৱল ৰসায়নেৰে
মোৰো গজে নীলা মাছৰ ফিছা।
«
ভূঁইতলৰ সপোন
উদং পথাৰৰ নঙলা খুলি
যোৱা ৰাতি হুৰমূৰকৈ
সোমাই আহিছিল বৰষুণ
কঙাল খেতিয়কৰ শীর্ণ বুকুৰ
দুঃচিন্তাৰ নাঙঠ কামিহাড়বোৰক
ঘৰ কৰি লোৱা
প্রতিচটা বাঢ়নশীল শিল ক্ষয় গৈছিল
আৰু গলি গলি উটি গৈছিল
গৰুবাটৰ কাকডোঙাত
আলিদাঁতিৰ বতাহেদি বগাই আহি
সোণাৰুৰ পাখি এজাকে
এহালিচা শস্যসম্ভৱা মাটিত
খোপনি গুজিছিলহি
চিনাকি চৰাইবোৰৰ মাতেও
জুমুৰি দি ধৰিছিলহি
কালি ৰাতি ভূঁইতলত
সপোন এটা পোখা মেলি বাঢ়িছিল।
আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।
UPI-ৰ জৰিয়তে বৰঙণি আগবঢ়াবলৈ
Secure payment | PhonePe, Google Pay, Amazom Pay, Paytm
আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।
.
আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।
UPI-ৰ জৰিয়তে বৰঙণি আগবঢ়াবলৈ স্কেন কৰক:
Secure payment | Powered by UPI
আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।
Leave a Reply