ভোগালীৰ সুৰ

image

ভোগালী মানেই মনে নমনা কিছু আত্মকথা
এৰি থৈ অহা বহুতো সাধুকথা

ভোগালী মানেই উছৱৰ বতৰ
আকাংক্ষাৰ লহৰ,
মনৰ সুৰত সুৰ মিলাই
সাৰ পাব খোজা চেঁচা
প্ৰহৰ।

ভোগালী আহিলেই পুতুকণৰ উলাহ চৰে
আঘোণীৰো মন উৰোঁ উৰোঁ,
বছৰেকত যে পয়েকে এবাৰেই হাঁহে।

ভোগালী মানেই বিধ্বংসী মৰণ-পণ
ভোগেৰেই আৰম্ভণি, ভোগতেই সমৰ্পণ।

ভোগালী মানেই মাজনিশাৰ অস্বস্তি
তেজৰ বানত নিঃশব্দ নব্বৈৰ নলবাৰী।

ভোগালী মানেই আশ্বাস, বিশ্বাস
অসমৰ বুকুত প্ৰতিশ্ৰুতিৰ নিশ্বাস।

ভোগালী মানেই বেদনাৰ অন্ত
অপেক্ষাৰ বন্দনা ইমানতে সমাপ্ত।

ভোগালীতেই আইৰ আঁচল চকুলোৰে তিতিছে
পোনাকণে হাবি এৰি ঘৰলৈ উভতিছে।

আপোনাৰ আৰু ভাল লাগিব পাৰে:

Leave a Reply

Be the First to Comment!

avatar
wpDiscuz