বিনীতা বৰগোহাঁইৰ কবিতা

সৰু সৰু কথাবোৰ
 
সৰু সৰু কথাবোৰ জুই হয়
যেতিয়া ই ডাঙৰ হয়
সৰু সৰু কথাবোৰ গধুৰ হয়
যেতিয়া ই বিষাদ হয়
সৰু সৰু কথাবোৰ বৰষুণ হয়
যেতিয়া ই ডাঙৰ হ'ব নোৱাৰাৰ দুখত
সৰি পৰে দুচকুৰে…
«
 
আপোন
 
হৃদয়ে কান্দিলেও
হৃদয়ে নাপায় বুজি হৃদয়ৰ গভীৰতা
মৰমৰ ভাষাৰে মৰম কৰিবলৈ শিকোৱা
মৰমৰ গৰাকীয়েও জানে
কৰিবলৈ মৰমৰ চলনা।
 
আপোন বুলি আপোন কৰা
আপোনজনেই যেতিয়া
আপোন কৰাৰ অভিনয় কৰে
পৰনো বুলিবা কাক
আপোননো বুলিবা কাক!
 
বিশ্বাস-অবিশ্বাসৰ দোমোজাত
ক্ষতবিক্ষত মাথো
মৰম প্ৰত্যাশী
বুকুৰ কলিজা।
 
নীলা চৰাই . জুলাই ২০১২
আপোনাৰ আৰু ভাল লাগিব পাৰে:

সম্পাদক

editor@nilacharai.com

Leave a Reply

Be the First to Comment!

মন্তব্য দিয়ক:

wpDiscuz