অনাহত অনাদি পাতন
প্ৰকাশ: ২ ছেপ্তেম্বৰ, ২০১৬ | অন্তিম সম্পাদনা: ৫ জানুৱাৰী, ২০২২
ইজিপ্তত ‘ৰা’ মানে সূর্য
আমাৰ ভাষাত শবদ্
টেম্বুৱনীত তাহানিতে মিলা বুঢ়া লুইতৰ সুঁতি এটিৰ
নামো আছিল বোলে ‘ৰা’
‘এৰা’ গৈ কেনেবাকৈ ‘ৰা’ত ৰ’ল যদি
সেয়া আমাৰ অজানা
এই ‘ৰা’কে ৰুধিবলৈ ডেকাগিৰিৰ ভৰষাৰ থল হ’ল
শান্তী ৰাধিকা
পলত ভৰাই পানী কোনেনো আনিব পাৰে
ডেকাগিৰিয়ে বুজি পায়
অসম্ভৱো সম্ভৱ হ’ব পাৰে তেওঁৰ যোগে
যাৰ মাজত জাগ্ৰত অনন্ত দৃঢ়তা
সূত্ৰধাৰ উচ্চজো হ’ব পাৰে অন্ত্যজো হ’ব পাৰে
হেঙুল-হাইতালেৰে সাত বৈকুণ্ঠৰ পট অঁকা
সাঁচিপাতত তিনিটি ভাষাৰ উধান থপা
এই যে ডেকাগিৰি
সম্পূর্ণ নাম যাৰ শংকৰবৰ গিৰি ভূঞা
মানে আমাৰ গুৰুজনা
এওঁৱেই ভুৰুকাত ভৰাই দিয়া কেৱল গুণমালাখনকে লৈ
আমাৰ মাটিৰ নামঘৰৰ মুকলি বতাহে ভাবিব পৰা হ’ল
জগত ভ্ৰমাৰ কথা
চৰিত পুথিয়ে কি কয় নাজানো
মনাৱদ্ধ বতা চৰাই আকাশত উৰুৱাই দি
মাটি আখৰা কৰোঁতে ভাব হয়
এওঁ যেন মানুহৰে পুত্র
পদশিলাত দেখা পাওঁ ধন্য ভাৰত বৰিষৰ
ধন্যাত্মা পৰিব্ৰাজকৰ গতিময়তা
‘পদুমৰ দৰে হাতৰ তলুৱা
পদুমৰ পাপৰিৰ দৰে নয়ন।
ভবদব দহন গহন বন শয়ন’
মহেন্দ্ৰ কন্দলিয়ে বুজি পায়
কুমলীয়া শিচৰ জীৱনৰ প্ৰথম পদ্যত
অসাধাৰণ আত্মাৰ অনন্য কৃষ্ণময়তা
আমি কবিতা লিখা অভাজনে বুজোঁ
এয়া শাশ্বত আধুনিকতাৰ অনাহত অনাদি পাতন
নতজানু হৈ সেয়ে ভাবোঁ
ধন্য এই কলিকাল ভাল
ধন্য এই নৰতনু ভাল।
প্ৰয়াগ শইকীয়াৰ কবিতা: অনাহত অনাদি পাতন
আৰু পঢ়ক:
আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।
UPI-ৰ জৰিয়তে বৰঙণি আগবঢ়াবলৈ
Secure payment | PhonePe, Google Pay, Amazom Pay, Paytm
আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।
.
আপোনালৈ সেৱা আগবঢ়োৱাৰ ক্ষেত্ৰত ‘নীলা চৰাই’ক আপুনিও সহায় কৰিব পাৰে। আপোনাৰ আৰ্থিক বৰঙণিৰে এই যাত্ৰাৰ সহযাত্ৰী হওক।
UPI-ৰ জৰিয়তে বৰঙণি আগবঢ়াবলৈ স্কেন কৰক:
Secure payment | Powered by UPI
আৰ্থিক সহযোগিতাৰ বাহিৰে আপুনি এই লেখা সামাজিক মাধ্যমত শ্বেয়াৰ কৰিও আমাক সহায় কৰিব পাৰে। ওপৰৰ ফেচবুক/টুইটাৰ বাটনত ক্লিক কৰি লেখা শ্বেয়াৰ কৰিব পাৰিব।
Leave a Reply