আজি জোনাক নামিব পাৰে

আজি জোনাক নামিব পাৰে তোমাৰ বুকুত
জোনাক,
কৃষ্ণচূড়া নুফুলিলেও
তোমাৰ বুকুৰ খটখটিৰে লাহে লাহে নামি আহিব পাৰে
জোনাক মোৰ বুকুলৈ।

বিধবা হৈ পৰা নিশাবোৰ নিয়ৰত জিলিকাই
জোনাক নামিব পাৰে
বতাহে কঁপাব পানী।

মাউৰা পোনাকণৰ নতুন চোলাৰ গোন্ধ এটা লৈ
এখন নতুন পাটিগণিত হৈ
চেলেপু নিমপাতবোৰ কঁপাই
জোনাক নামিব পাৰে।

আইৰ চকুৰ ভোটা তৰাটো
পিতাইৰ জোন
আইমণিৰ চকুৰ কাজল
ওৰে ৰাতি উজাগৰে থাকিব
আজি জোনাক নামিব।

কি আনিব
কি আনিব জোনাকে!
প্রতিমাৰ লচপচীয়া সপোন
সৰুধন নীৰু সপোনৰ অজন্তা ইলোৰা
গোলাপীৰ বুকুৰ এঠোক ধান
জেতুকী বাইৰ উকা টেকেলীত
বগা চাউলৰ খলখলনি লৈ
আজি জোনাক নামিব পাৰে।

মোৰ চহৰৰ পৰা তুমি হেৰাই গ’লেও
দুচকু জপালেই লগ পোৱা তোমাক লৈ
আজি জোনাক নামিব পাৰে
তোমাৰ বুকুত
মোৰ বুকুত
সকলোৰে বুকুত জোনাক নামিব পাৰে।

আপোনাৰ আৰু ভাল লাগিব পাৰে:

AKCA-BRabha-Cover150x80

আমাৰ ই-মেইল তালিকাত যোগ দিয়ক আৰু বিনামূলীয়াকৈ ই-বুক লাভ কৰক !


আমাৰ ই-মেইল তালিকাত যোগ দিয়ক আৰু প্ৰীতিৰ চিন স্বৰূপে বিষ্ণুপ্ৰসাদ ৰাভাৰ 'অসমীয়া কৃষ্টিৰ চমু আভাস' ই-বুক (ই-পাব/ মবি/ পিডিএফ) ৰূপত পাওক বিনামূল্যে !

আমি আপোনাৰ ই-মেইল ঠিকনা নিশ্চিত কৰিব লাগিব। আমি এইমাত্ৰ আপোনালৈ এটা ইমেইল প্ৰেৰণ কৰিছোঁ; সেই ইমেইলত দিয়া লিংকত ক্লিক কৰি আপোনাৰ চাবস্ক্ৰিপশ্যন প্ৰক্ৰিয়া সম্পূৰ্ণ কৰক।

Leave a Reply

Be the First to Comment!

avatar
wpDiscuz